Dogana konfiskon 5,8 kg ari
Prishtinë 4 nëntor - Dogana e Kosovës në bashkëpunim me Policinë e Kosovës sot kanë ushtruar kontrolle të befasishme në dy lokacione në Prishtinë, respektivisht dy dyqane që merren me shitblerjen e arit.
Adriatik Stavileci zëdhënës i Doganës ka thënë së Dogana dhe Policia e Kosovës kanë filluar një hetim të përbashkët pas dyshimeve që në këto dyqane ka sasi të arit e cila ka arritur të kontrabandohet, kurse sot në orët e pasdites është kryer bastisja e këtyre lokacioneve.
Në lokacionin e pare sipas tij janë konfiskuar 4,3 kilogram ari, kurse në lokacionin e dytë të janë konfiskuar 1,5 kg ari.
Sasia e tërësishme sipas Stavilecit është prej 5,8 kg është ndaluar përkohësisht dhe hetimet për këtë rast janë duke vazhduar deri në verifikimin e saktë të gjitha rrethanave.