18 Gusht 2022

Çmimet e naftës rriten serish

New York, 23 mars - Çmimet e naftës që kanë disa kohë që tregojnë lëkundje, me sulmet ajrore kundër Libisë kanë filluar të ngrihen përsëri.

Megjithëse organizata e vendeve prodhuese të naftës OPEC me në krye Arabinë Saudite që në fillim të tensionimit ka dhënë siguri se do të kompensohen humbjet që do të burojnë nga Libia, prodhuesja e dymbëdhjetë më e madhe në botë e naftës, shqetësimi se çmimet do të rriten edhe më tej ende vazhdon.

Çmimet e naftës për shkak të zhvillimeve këto javët e fundit si tërmeti dhe cunami në Japoni, po ndjekin një trend me ulje dhe ngritje.

Kurse operacioni ajror në Libi po i rrit përsëri çmimet e naftës. Fuçia e naftës së papërpunuar Brent, në Bursën e Londrës u rrit 2 dollarë.

Kurse çmimi i naftës së papërpunuar amerikane u rrit mbi vlerën 103 dollarë.

Zhvillimet e përjetuara në Afrikën e Veriut dhe në Lindje të Mesme dhe gjendja e turbullt po bëhen shkasë të shqetësimeve dhe kjo shkakton rritjen e çmimeve të naftës.

Vërehet se gjatë 3 muajve të parë çmimet e naftës janë rritur 20%.

Megjithëse deklaratat e OPEC-ut e kanë qetësuar disi tregun, operacionet ajrore në Libi rrisin shqetësimin. Por burim i shqetësimit nuk është vetëm Libia.

Sipas disa specialistëve, edhe Bahrejni një nga vendet e tensionuara këto kohët e fundit, megjithëse nuk është një ndër prodhuesve kryesorë të naftës është në një pozitë kritike...

Kriza në Bahrejn në rast se përhapet edhe nëpër vendet e tjera të Lindjes së Mesme prodhuese të naftës, mund të shkaktojë një rritje edhe më të madhe të çmimeve.

Rritjet e çmimeve të naftës përforcojnë shqetësimin e investitorëve për rritjen e inflacionit, në veçanti nëpër vendet ekonomitë e të cilave janë në zhvillim e sipër. 

Kalendari

Ngjarjet e datës 18 gusht 2022

 - Mbahet seanca në rastin e falsifikimit të tenderit 800 mijë euro për rinovimin e objektit të PSRK-së ndaj të akuzuarit Tahir Sopa, përfaqësues i firmave “NBT ING SHPK” dhe “NPN Bajramaj”. (Pallati i Drejtësisë, ora 9:30)

- Komuna e Rahovecit mbant dëgjimi publik për buxhetin e vitit 2023 më bashkësit lokale, lagjet urbane dhe përfaqesues të shkollave. (Shtëpia e Kulturës 'Mensur Zyberaj' në Rahovec, ora 10:00)

- Bashkimi i Sindikatave të Pavarura të Kosovës mban konferencë për media e cila ndërlidhet me shpalljen e grevës së përgjithshme. (Zyrat e BSPK-së, ora 13:00)

- Fondacioni Shtatëmbëdhjetë organizon hapjen e programit Rezidenca 17. (Shtëpia e Hivzi Sulejmanit në lagjen Taslixhe, ora 18:00)