08 Shkurt 2023

Bullgaria për bashkëpunimin ekonomik me Kosovën

Prishtinë, 11 maj - Presidenti i Republikës së Kosovës, dr. Fatmir Sejdiu priti sot në takim Ministrin e Jashtëm të Bullgarisë, Nikolay Mladenov.

Me këtë rast, Presidenti Sejdiu shprehu falënderimin e tij dhe popullit të Kosovës, për institucionet dhe popullin bullgar, për mbështetjen dhe përkrahjen e vazhdueshme që Bullgaria i ka dhënë Kosovës na vazhdimësi.

“Momenti i njohjes i pavarësisë së Republikës së Kosovës nga Bullgaria ka qenë jashtëzakonisht i rëndësishëm për vendin tonë”, tha Presidenti Sejdiu.

Duke folur për bashkëpunimin midis dy shteteve, Presidenti Sejdiu tha se fakti se Kosova dhe Bullgaria janë shumë afër fizikisht mundëson lëvizjet e qytetarëve dhe bashkëpunimin e bizneseve.

Presidenti Sejdiu theksoi se Kosova ka ende probleme ekonomike dhe sociale, por është e përkushtuar për t’i tejkaluar sa më parë ato.

Ai gjithashtu theksoi se Kosova nuk ka vizion tjetër pos integrimit në Bashkimin Evropian dhe në NATO.

Duke folur, për përkrahjen e mëtutjeshme që Bullgaria i ofron Kosovës, Ministri i Jashtëm Bullgar, Nikolay Mladenov i rikonfirmoi Presidentit Sejdiu mbështetjen e fuqishme të Bullgarisë për Kosovën. “Mbështetja e Bullgarisë për Kosovën është shumë e sinqertë dhe si e tillë do të vazhdojë edhe në të ardhmen. Po ashtu, ne mbështesim fuqishëm perspektivën evropiane të Kosovës. Pavarësia e Kosovës është punë e kryer dhe nuk mund ta kthejmë kohën prapa, me këtë mesazh flasim kudo në rajon”, tha ministri Mladenov.

Ai më tej tha se Bullgaria ka mundësi të mëdha të bashkëpunimit ekonomik, politik dhe kulturor me Kosovën dhe se këto mundësi duhet të shfrytëzohen.

“Ne jemi të gatshëm të ndihmojmë thellimin e bashkëpunimit rajonal, në mënyrë që të bëhet integrimi i rajonit”, tha Mladenov.

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)