19 Gusht 2022

Bie çmimi i naftës në tregjet botërore

Londër, 15 mars - Nafta bruto Brent e Londrës preku pikën më të ulët në dy javët e fundit pranë 111 dollarë për fuçi ose me rënie rreth 3 dollarë për shkak të pesimizmit se ekonomia globale do të ngadalësojë ritmin si pasojë e katastrofës japoneze.

Ndikim reduktues në vlerën e naftës po jep edhe qetësimi i situatës në rajonin e Lindjes së Mesme. Nafta bruto Brent e Londrës për prillin ra me 2.4 për qind në 111.16 dollarë për fuçi, dhe kjo është vlera më e ulët që nga 25 shkurti.

Ndërkohë nafta bruto amerikane për prillin ra me 1.58 dollarë në 99.58 dollarë për fuçi. Në tregjet energjetike situata që imponon Japonia i bën ato të mendojnë se në terma afat shkurtër do të ketë reduktim të kërkesës nga konsumatori i tretë në botë për pasojë të dëmtimit të infrastrukturës.

Por ndërkohë nevojat për rindërtimin e vendit do të rrisin konsumin e naftës. Në mbështetje të një çmimi të lartë për naftën e Londrës është edhe pritshmëria për të zëvendësuar 9.7 giga vat të kapacitetit nuklear në prodhimin e energjisë elektrike. Ndërkohë vlera e gazit natyror të shteteve të bashkuara u rrit me pothuajse 1 për qind. 

Kalendari

Ngjarjet e datës 19 gusht 2022 - Kryetari i Komunës së Mitrovicës, Bedri Hamza nënshkruan marrëveshje bashkëpunimi me Shoqatën Bamirëse “Jetimat e Ballkanit” për ndërtimin e Qendrës Kryesore të Mjekësisë Familjare në Mitrovicë. (Hotel Palace në Mitrovicë, ora 10:00)

= Mbahet ceremonia solemne e vënies se gurthemelit të ndërtesës së re të Qendrës Kryesore të Mjekësisë Familjare “Dr.Nexhat Çuni” tek ish objekti i KRU “Mitrovica”. (Rruga “Bislim Bajgora” Mitrovicë, ora 12:00)