31 Janar 2023

Bie çmimi i naftës në 95,34 dollarë për fuçi

New York, 10 nëntor - Çmimet e naftës kanë shënuar rënie pasi lojtarët e tregut u përqendruan në rënien ekonomike nga bllokimet në Kinë, vendi më i madh që konsumon naftë në botë.

Standardi ndërkombëtar i përpunuar ‘Brent’ mëngjesin e sotëm tregtohej me 95,34 dollarë për fuçi, duke shënuar një rënie prej 0,02 për qind nga çmimi i djeshëm me 95.36 dollarë.

Standardi amerikan ‘West Texas Intermediate’ (WTI) tregtohej me 88,87 dollarë për fuçi, gjegjësisht me një humbje prej 0,04 për qind nga dita e djeshme kur tregtohej me 88,91 dollarë për fuçi.

Rënia e çmimeve në Kinë është shkaktuar kryesisht nga shqetësimet për kërkesën pasi vendi vazhdon të vendosë bllokime dhe masa të tjera në përputhje me politikën e saj “zero-COVID”.

Në të kundërtën e konsensusit të tregut për një rritje prej 1.1 milionë, Instituti Amerikan i Naftës (API) mbrëmë vonë raportoi vlerësimin e tij për një rritje prej mbi 5.6 milionë fuçi në rezervat e naftës së papërpunuar në SHBA.

Një rritje më shumë se sa pritej e rezervave sinjalizon një rënie të kërkesës së naftës së papërpunuar, duke rënduar më tej çmimet.

Sot më vonë, Administrata e Informacionit të Energjisë në SHBA (EIA) do të publikojë të dhënat zyrtare të rezervave të naftës dhe nëse konfirmohet një rritje në nivelet e rezervave, çmimet do të bien.

Megjithatë, shqetësimet e investitorëve për mungesën e furnizimit kufizuan humbjet e mëtejshme pasi vendet e Bashkimit Evropian (BE) përgatisin sanksione ndaj eksporteve ruse të naftës, të cilat do të hyjnë në fuqi më 5 dhjetor në përgjigje të sulmit të Rusisë ndaj Ukrainës.

 

Kalendari

Ngjarjet e datës 31 janar 2023

- Presidentja e Republikës së Kosovës, Vjosa Osmani Sadriu, kryeministri Albin Kurti dhe zëvendëskryeministrja Donika Gërvalla bëjnë homazhe te shtatorja e heroit Zahir Pajaziti, në 26 vjetorin e rënies së heronjve Zahir Pajaziti, Hakif Zejnullahu dhe Edmond Hoxha. (Sheshi “Zahir Pajaziti”, ora 9:00)

- Instituti Demokratik i Kosovës mban konferencën për media, ku do të publikohen rezultatet e Indeksit të Perceptimit te Korrupsionit për vitin 2022. (Zyrat e KDI-së, ora 9:00)

- Komisioni për Legjislacion shqyrton Projektligjin për Byronë Shtetërore për verifikimin dhe konfiskimin e pasurisë së pajustifikueshme. (Kuvendi i Kosovës, salla N302, ora 10:00)

- Komisioni për Çështje të Sigurisë dhe Mbrojtje shqyrton Projektligjin për mbrojtjen e informacionit të klasifikuar. (Kuvendi i Kosovës, salla N204, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N225, ora 10:00)

- Qendra Kosovare për Studime të Sigurisë (QKSS) publikon “Raportin për Vlerësimin Bazë të Dhunës në Baza Gjinore në Kosovë: Perceptimet e Komunitetit dhe Palëve të Interesit”. (Hotel “Sirius”, ora 10:00)

- Gazetarët afganë që kanë mbërritur sonte në Kosovë, Amina Omid, Ahmad Shaker, Nimatullah Gholami dhe Raifullah Nikzad mbajnë konferencë për media. (Zyret e Asociacionit të Gazetarëve të Kosovës, ora 10:30)

- Komisioni për Ekonomi, Industri, Ndërmarrësi dhe Tregti shqyrton planet e Përformances për vitin 2023, të agjencioneve/rregullatorëve të pavarur, që i raportojnë Komisionit (AKP, ARKEP, ZRRE). (Kuvendi i Kosovës, salla N10, ora 11:00)

- Komisioni për Mbikëqyrjen e Financave Publike shqyrton raportin e auditimit për performancën financiare dhe operative të ndërmarrjes “Trepça”. Të ftuar janë kryesuesi i Bordit, Bahri Hyseni, dhe kryeshefi Ekzekutiv, Enis Abdurrahmani. (Kuvendi i Kosovës, salla N303, ora 11:00)

- Përkrahës të Vetëvendosjes protestojnë kundër “imponimit” të Bashkësisë së Komunave Serbe. (Sheshi “Zahir Pajaziti”, ora 12:00)

- Komisioni për Administratë Publike, Pushtet Lokal, Media dhe Zhvillim Rajonal, shqyrton draft-planin e punës së Komisionit, për sesionin pranveror 2023. (Kuvendi i Kosovës, salla N303, ora 13:00)

- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Pyje. (Kuvendi i Kosovës, salla N302, ora 13:00)

- Fondacioni Jahjaga në bashkëpunim me Zyres Zvicerane për Bashkëpunim në Kosovë ka kënaqësinë të ju ftoj në ceremoninë e diplomimit të programit “Zhvillimi i njohurive mbi qeverisjen lokale". (Kino Armata, ora 14:00)

- Eris Jashari, ish-zyrtar policor në Policinë e Kosovës, i dorëhequr me 4 korrik 2017, tani koordinator në organizatën joqeveritare ktheju tokës tënde KTT, do të futet në grevë urie deri në realizimin e sigurimit shëndetësor dhe jetësor për policinë kërkesë kjo drejtuar Deputetëve të Kuvendit të Kosovës. (Sheshi “Adem Jashari”, te hyrja e pasme e Kuvendit kah rruga UÇK, ora 14:00