01 Shkurt 2023

BE dhe Japonia gati për arritjen e marrëveshjes së tregtisë së lirë

Tokio, 30 maj - Bashkimi Europian (BE) dhe Japonia pranuan në parim nisjen e bisedimeve për arritjen e një marrëveshjeje të tregtisë së lirë, ndërsa ekonomia e arkipelagut pritet të përballet me pasojat e cunamit dhe katastrofës së Fukushimës.

Vendimi, tepër i pritur në Tokio, e cila militon prej kohësh në këtë drejtim, u njoftua në përfundim të një samiti në Bruksel mes përfaqësuesve të BE-së dhe kryeministrit japonez, Naoto Kan.

\"Ne kemi ende rrugë të gjatë për të kryer, por objektivi aktual është i qartë\", deklaroi gjatë një konference shtypi presidenti i BE-së, Herman Van Rompuy.

\"Duke shprehur synimet për të punuar së bashku mbi një marrëveshje të tregtisë së lirë, të dy palët kanë realizuar një hap të rëndësishëm para\", shtoi ai.

\"Drejtuesit gjatë samitit kanë rënë dakord të angazhohen në proces për negociimin e një marrëveshjeje të tregtisë së lirë të thelluar dhe të plotë si dhe një marrëveshjeje partneriteti ekonomik që përfshin të gjitha çështjet e interesit reciprok\", nënvizohet në një deklaratë të përbashkët.

Ndër fushat që pritet të preken në marrëveshje janë: të drejtat doganore, pengesat jodoganore të tregtisë, shërbimet, investimet, të drejtat e pronësisë intelektuale, kushtet e konkurencës dhe tregjet publike. 

Kalendari

Ngjarjet e datës 1 shkurt 2023

- Ndërmarrja Publike Banesore, qiramarrësit, punëtorët e lokaleve dhe qytetarë të tjerë protestojnë për rritjen e çmimit të qirasë për lokalet në Prishtinë.  (Komuna e vjetër e Prishtinës, ora 9:00)

- Komisioni për të Drejtat dhe Interesat e Komuniteteve dhe Kthim, formon grupin punues për hartimin e planit të punës së komisionit për vitin 2023. (Kuvendi i Kosovës, salla N302, ora 9:30)
 
- Auditorja e Përgjithshme, Vlora Spanca do të shpalos gjetjet dhe rekomandimet e raporteve të auditimit: “Të hyrat nga qiraja në Agjencinë Kosovare të Privatizimit për periudhën 2012-2021”, si dhe “Funksionimi i sistemit të Grantit të Performancës Komunale dhe menaxhimi i projekteve të financuara nga donatorët për vitin 2021”. (Ambientet e Zyrës Kombëtare të Auditimit, ora 11:00)

- Komisioni për të Drejtat dhe Interesat e Komuniteteve dhe Kthim, formon grupin punues për hartimin e planit të punës së komisionit për vitin 2023. (Kuvendi i Kosovës, salla N302, ora 11:30)

- Kuvendi i Republikës së Kosovës vazhdon seancën plenare. (Kuvendi i Kosovës, ora 12:00)