08 Shkurt 2023

Banka e Shqipërisë “blen” hotel Dajtin për 30 milionë euro

Tiranë, 14 maj - Në kushtet e mungesës së të ardhurave në buxhet, qeveria dhe Banka e Shqipërisë kanë gjetur një formulë për të siguruar një formë financimi. Bëhet fjalë për ish-hotel “Dajtin”, që qeveria, dje me vendim ia shet Bankës së Shqipërisë, për 30 milionë euro.

Vendimi ka habitur ekspertët e financave, por edhe zyrtarë të qeverisë, të cilët janë përpjekur të shpjegojnë operacionin financiar. Dihet që BSH është pronë e shtetit shqiptar, fitimet e të cilës kalojnë direkt në arkën e buxhetit, që administrohet nga Ministria e Financave, ashtu dhe hotel “Dajti”, i cili nuk funksionon për më shumë se 10 vjetësh.

Ashtu si ka vepruar me institucionet e tjera shtetërore, edhe me Bankën e Shqipërisë mund të ndiqej i njëjti veprim, duke i kaluar nën administrim ambientet e hotelit, pa qenë nevoja t’ia shiste për 30 milionë euro. Burime nga Financat thonë se “nga kalimi i pronësisë, BSH-së do t’i zbritet fitimi që ia transferon buxhetit të shtetit dhe se nuk bëhet fjalë për kreditim apo financim”.

Nga BSH nuk ka një njoftim rreth këtij vendimi. Një tjetër fakt që e bën operacionin financiar disi kontradiktor lidhet me projektin disa milionash dollarë të BSH-së për të rikonstruktuar zyrat qendrore, sipas planit italian, ndërsa punimet kanë filluar. Po ashtu, BSH ka blerë 4 katet e një pallati në zonën e Selvisë, si dhe ka marrë me qira 4 kate të tjera, përfshi dhe vilën e ish-bosit të firmës piramidale VEFA. Fitimet e BSH-së shkojnë deri në 7-8 miliardë lekë, që derdhen më pas në arkën e shtetit.

Megjithatë, Këshilli i Ministrave do të ketë, në çdo rast, të drejtën e parablerjes së pronës, objekt i këtij vendimi, në rast shitjeje nga Banka e Shqipërisë. “Përdorimi i pronës do të jetë vetëm për qëllime administrative dhe për çdo funksion tjetër, në shërbim të këtij qëllimi, i cili nuk dëmton vlerën monumentale të pronës”, thuhet në vendim.

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)