03 Shkurt 2023

Banka Botërore i fal të gjitha borxhet Haitit

Washington, 29 maj - Banka Botërore anuloi dje të gjitha borxhet e mbetura të qeverisë së Haitit ndaj Shoqatës për Zhvillim Ndërkombëtar, organi ekzekutiv i bankës.

Borxhi i Haitit arrinte në 36 milionë dollarë. Në një deklaratë të Bankës Botërore theksohej se anulimi i borxhit të Port Au Princ u arrit falë kontributeve të Italisë, Belgjikës, Kanadasë, Finlandës, Francës, Gjermanisë, Irlandës, Japonisë, Hollandës, Norvegjisë, Spanjës, Suedisë dhe Zvicrës.

Haiti tashmë nuk i detyrohet më asgjë Bankës Botërore, ndërkohë që kjo e fundit, pas tërmetit shkatërrimtar të janarit, vuri në dispozicion të autoriteteve haitiane fonde deri në 479 milionë dollarë deri në qershor të vitit 2011.

“Anulimi i borxheve të Haitit është vetëm një pjesë e përpjekjeve tona për të mbështetur rindërtimin e vendit dhe për këtë do të vazhdojmë të punojmë me qeverinë vendase dhe partnerët ndërkombëtare, për të mbështetur rimëkëmbjen dhe zhvillimin afatgjatë”, deklaroi presidenti i Bankës Botërore, Robert Zoellick.

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)