05 Korrik 2022

AVUK lehtëson procedurat e importit të mishit

Prishtinë, 18 Janar - Agjencioni i Ushqimit dhe  Veterinarisë së Kosovës (AUVK) ka ndërmarrë një varg  hapash për të përmbushur kërkesat e Shoqatës së Prodhuesve dhe të Përpunuesve të Mishit duke lehtësuar procedurat për leje të importit.

Shoqata e Prodhuesve dhe Përpunuesve të Mishit e ka vlerësuar iniciativën e AUVK-ut pas një takimi që është zhvilluar ndërmjet udhëheqësve te Agjencisë dhe përfaqësuesve te Shoqatës së Prodhuesve dhe të Përpunuesve të Mishit.

Drejtori i AUVK-së, Valdet Gjinovci tha se lejet e importit do të merren brenda ditës, hap  i cili  do t’ua lehtësojë veprimtarinë bizneseve, duke eliminuar procedurat burokratike.

“Ky është një hap konkret  që e kemi bërë si Agjenci në mënyrë që bizneset ta kenë sa ma të lehtë zhvillimin e veprimtarisë së tyre. Por edhe një gjë duhet të kemi parasysh, se asnjëherë nuk do të kemi mëshirë ndaj atyre që shkelin rregullat dhe nuk repsktojnë ligjet”, ka deklaruar Gjinovci.

“Ata që shkelin ligjin dhe nuk respektojnë rregullat do te ndëshkohen. Ne jemi për zhvillimin e bizneseve, por në mënyrë ligjore”, tha Gjinovci.

Gjonivci gjithashtu ka njoftuar se lejet e importit do të jepen për afate deri në gjashtë muaj varësisht nga cili  vend vjen produkti.

“Gjithashtu, pritet që në bashkëpunim me Doganat e Kosovës, të krijohen edhe lehtësi për qarkullimin e këtyre mallrave. Do të angazhohemi që deri në fund të këtij viti të krijojmë lehtësime për qarkullimin e mallrave në vendet më të njohura për prodhimin e mishit. E kjo do të bëhet sidomos në vendet që e kanë njohur Kosovën”.

Sipas tij, një kërkesë tjetër e drejtuesve të kësaj shoqate ka qenë forcimi i kontrolleve në industrinë e mishit, për të eliminuar informalitetin dhe veprimet e tjera joligjore të disa tregtarëve.

 Gjinovci ka theksuar se vitin e kaluar janë bërë 223 inspektime të depove të mishit, ndërsa janë asgjësuar 260 tonë mish.

“Një fakt që na gëzon është rritja e bashkëpunimit me tregtarët dhe përpunuesit e mishit, të cilët gjithnjë e më shumë po bashkëpunojnë dhe po kërkojnë që të bëhen inspektime dhe në depot e tyre”, tha Gjinovci.

Edhe kryetari i Shoqatës së Prodhuesve dhe të Përpunuesve të Mishit Burim Piraj, është shprehur i kënaqur me plotësimin e kërkesave të tyre nga ana  e AUVK-së.

Ai ka thënë në këtë konferencë, se importuesit dhe prodhuesit e mishit e mirëpresin angazhimin e zyrtarëve përgjegjës për kontrollimin e cilësisë së produkteve të mishit. “Nëse ka asgjësim të mishit, kjo garanton cilësinë e produkteve që shiten këtu”, tha Piraj.

Ndërsa, drejtori i AUVK-së, Valdet Gjinovci, ka deklaruar se aktualisht nuk ka rrezik që në Kosovë të arrijë mish i infektuar me dioksinë nga Gjermania, për shkak se malli që do të mund të vijë nga ai lokacion duhet të ketë një letër garanci të cilësisë.

Kalendari

Ngjarjet e datës 5 korrik 2022

- Mbahet takimi në mes të delegacionit Amerikan të MCC-së dhe atij të Republikës së Kosovës në lidhje me programin Kompakt të MCC-së. (Ndërtesa e Qeverisë, Salla - P38, ora 9:00)

- Komisioni për Çështje të Sigurisë dhe Mbrojtjes shqyrton propozim-amendamentet për Projektligjin për Komisionerin Parlamentar për Forcën e Sigurisë së Kosovë. (Ndërtesa e Kuvendit, salla N225, ora 10:00)

- Auditorja e Përgjithshme, Vlora Spanca mban konferencë për media me rastin e përfundimit të sezonit auditues 2021/22 dhe procesit të publikimit të 121 raporteve të auditimit. (Ambientet e Zyrës Kombëtare të Auditimit, Lagjja Arbëria, ora 11:00)

- Komisioni për Ekonomi, Industri, Ndërmarrësi dhe Tregti shqyrton raportin vjetor të Autoritetit të Konkurrencës së Republikës së Kosovës për vitin 2021. (Ndërtesa e Kuvendit, salla N10, ora 11:00)

- Rektori i Universiteti të Prishtinës Naser Sahiti dhe U.D Sekretari i Përgjithshëm, Besfort Krasniqi raportojnë para Komisionit për Mbikëqyrjen e Financave Publike lidhur me raportin e Auditimit për pasqyrat financiare vjetore të Universitetit të Prishtinës, për vitin 2021. (Ndërtesa e Kuvendit, salla N303, ora 11:00)

- Instituti Demokratik i Kosovës mban konferencën për media gjatë të cilës do të shpalosën të gjeturat nga monitorimi i punës së Kuvendit për gjashtë muajt e parë të sesionit pranveror me fokus në çështjen e mungesës së kuorumit dhe shqyrtimit të projektligjeve. (Zyrat e Institutit Demokratik të Kosovës, ora 11:00)

- Programi i Kombeve të Bashkuara për Zhvillim në Kosovë do të lansoj edicion e 22-të të Përmbledhjes Pulsi Publik. (Salla e konferencave të UNDP-së, ora 11:00)

- UBT nënshkruan dy marrëveshje shumë të rëndësishme me dy universitete nga shteti i Iowa-s, me University of Northern Iowa dhe University of Iowa. (Kampusi i UBT-së, Lipjan, tek QMI, ora 12:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione prezanton draftligjin për Mbrojtje nga Dhuna në Familje dhe Dhuna në Baza Gjinore, nga eksperti Hilmi Jasahri, i angazhuar nga UN Women. (Ndërtesa e Kuvendit, salla N303, ora 13:00)

- Komisioni për Shëndetësi dhe Mirëqenie Sociale shqyrton Projektligjin për ndryshimin dhe plotësimin e Ligjit për Inspektoratin Shëndetësor, etj. (Ndërtesa e Kuvendit, salla N204, ora 13:00)

- Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës njoftohet rreth ndërrimit të anëtares së PDK-së Eliza Hoxha me deputetin Abelard Tahiri si dhe diskuton rreth emrave të ekspertëve. (Ndërtesa e Kuvendit, salla N303, ora 13:00)

- Kryetari i Kuvendit të Republikës së Kosovës, Glauk Konjufca, pret në takim ambasadorin japonez, Akira Mizutani. (Kabineti i kryetarit, 13:30 - mediat mund të marrin pamje në fillim të takimit)