09 Dhjetor 2021

ATK rrit aktivitetet operative gjatë dhe pas orarit të punës

Prishtinë, 20 maj - Drejtorati i Operativës të Administratës Tatimore e Kosovës, gjatë muajit maj, ka filluar rritjen e aktiviteteve operative gjatë dhe pas orarit të punës, si dhe për vikend.

Administrata Tatimore e Kosovës, në bashkëpunim me Policinë e Kosovës, ka ndërmarrë një varg aktivitetesh, me qëllim të verifikimit të prejardhjes (origjinës) së mallit, në pika të ndryshme të territorit të Kosovës, për të kontrolluar dokumentacionin e mallit që transportohet në destinacione të ndryshme të Kosovës.

Në të gjitha rastet kur konstatohet, se malli i cili transportohet pa dokumentacion përkatës, nga i cili e konstaton prejardhjen dhe destinacionin e saktë të këtij malli, Administrata Tatimore, do ti ndërmarrë të gjitha masat e parapara ligjore, deri te konfiskimi i këtij malli.

Si rezultat i këtij aktiviteti të përbashkët me Policinë e Kosovës, janë zhvilluar aktivitete te 178 biznese të ndryshme, me qëllim të mbledhjes së gjobave dhe borxhit. Prej tyre janë mbledhë 170 gjoba, 7(shtatë) biznese kanë paguar 70% të borxhit dhe kanë lidhë marrëveshje të pagesës me këste, si dhe 1(një) konfiskim i pasurisë së një biznesi.

Aktivitete të tilla të planifikuara dhe të koordinuara në mes ATK-së, dhe PK-së, janë planifikuar të vazhdojnë edhe gjatë ditëve në vijim, duke mbuluar kështu të gjitha bizneset të cilat kanë borxhe. 

Kalendari

Ngjarjet e datës 9 dhjetor 2021

- Shoqata e Bankave të Kosovës organizon hapjen e “Konventës Vjetore bankare të SHBK-së 2021”. (Swiss Diamond, ora 9:30)

- Lëvizja FOL organizon konferencë për media me ç’rast do të bëjë publikimin e gjetjeve nga hulumtimi “Perceptimet e sektorit privat rreth prokurimit publik”. (Zyrat e Lëvizjes FOL, ora 10:00)

- Universiteti i Prishtinës “Hasan Prishtina” dhe Kolegji IBC-M organizojnë tryezën e diskutimit për prezantimin e Raportit të Vlerësimit të Kartelës Matëse të Autonomisë Universitare. (Amfiteatri i Bibliotekës Qendrore Universitare, kampusi i UP-së, ora 10:00)

- Mbahet seanca e 2-të e rregullt të Kuvendit të Komunës së Mitrovicës në të cilën do të zgjedhet kryesuesi i Kuvendit të Komunës. (Salla e Kuvendit të Komunës, ora 10:00)

- Kryetari i Gjilanit, Lutfi Haziri i dorëzon detyrën kryetarit të ri, Alban Hyseni. (Zyra e Kryetarit, ora 11:00)

- Rrjeti Mesdhetar i Grave Ndërmjetësuese së bashku me OJQ-në She Solutions mban konferencën "Gratë në sektorin e sigurisë: ndërmjet sfidave dhe mundësive". (Zyra e BE për informim, ora 11:00)

- Instituti Demokratik i Kosovës / Transparency International Kosova organizojnë ekspozitën për fotografinë më të mirë kundër-korrupsion 2021, ku do të shpallen tre fituesit e kësaj gare. (Parku Arkeologjik ‘Lapidariumi’ përballë Muzeut Kombëtar të Kosovës, ora 11:00)

- OJQ AKTIV bën prezantimin e aplikacionit Aber online për celularë Android dhe iOS. (Hotel Ulpiana në Graçanicë, ora 11:00)

- Instituti D4D organizon tryezën diskutuese me temën “Fushata zgjedhore në llupë: A e kërcënojnë integritetin zgjedhor çrregullimet e informacionit?”. (Hotel Prishtina, ora 14:00)