27 Shtator 2022

AKP shet edhe 16 ndërmarrje për 4. 6 milion euro

Prishtinë, 10 mars - Agjencia Kosovare e Privatizimit (AKP) sot në ceremoninë e hapjes së ofertave të valës 42 të privatizimit, shpalli ofertuesit e përkohshëm, fitues të  Ndërmarrjeve të Reja të tenderuar përmes metodës së Spin-off-it të Rregullt. 

Gjithsej 16 Ndërmarrje të Reja ishin në dispozicion për shitje. 

Ofertat janë hapur dhe rezultatet janë shpallur në Sallën e Kuqe të Pallatit të Rinisë dhe Sporteve, nga ora 13:00 deri në ora 14:00. 

Gjithsej janë pranuar 49 oferta. 

Vlera e tërësishme e ofertave më të larta ishte 4,652,838 milion euro.


Oferta më e lartë është ofruar për  ndërmarrjen Auto Motot Start, e cila është shitur për 1.777.777 euro. Risi gjatë kësaj vale ka qenë që për herë të parë ka filluar privatizimi i disa ndërmarrjeve në Shtërpce dhe në Brezovicë.

Arlind Limani, zyrtar ekzekutiv në AKP, ka thënë të mërkurën se deri në janar të këtij viti janë privatizuar 525 ndërmarrje. Po ashtu ai ka përmendur edhe procesin e shpërndarjes së 20 përqindëshit për punëtorët, ku rreth 3 milionë euro janë shpërndarë për 9 ndërmarrje të privatizuara.

Ndërsa nga fondi i privatizimit punëtorëve të ndërmarrjeve shoqërore deri më tani iu janë shpërndarë mbi 23 milionë euro. Ndërmarrja e re Auto Moto Start është shitur me çmimin më të lartë për 1.777.777 euro, oferta e dytë më e lartë 1.666.666 euro, ndërsa oferta e tretë 1.411.229 euro.

Po ashtu, privatizim të ndërmarrjeve ka pasur edhe në Brezovicë, ku ndërmarrja e re Restorant Kasollja në Brezovicë është shitur për 266.669 euro, oferta e dytë ka qenë 223.950 euro, ndërsa oferta e tretë 222.223 euro. Ndërsa për ndërmarrjen e re Kafiteria Shtërpce ka qenë vetëm një ofertë prej 70.013 euro.

Agjencia Kosovare e Privatizimit tani është duke punuar që të përfundoj të gjitha shitjet, në pritje të vendimit të Bordit të Drejtorëve të AKP-së.


 

Kalendari

Ngjarjet e datës 27 shtator 2022  - Ministria e Mbrojtjes dhe FSK organizon Konferencën Vjetore Ndërkombëtare “FSK dhe partnerët 2022”. (Hotel Emerald, ora 9:00)

- Shoqata e Grave në Sektorin e Energjisë së Kosovës me përkrahjen e zyres se Presidentes dhe parnerëve ndërkombëtar organizon Konferencën e parë Rajonale “Energjia & Gratë”. (Hotel Emerald, ora 9:00)

- Komisioni për Çështje të Sigurisë dhe Mbrojtjes shqyrton Projektligjin për Sigurinë Kibernetike, Projektligjin për Mbrojtjen e Informacionit të Klasifikuar, etj. (Ndërtesa e Kuvendit, salla C203, ora 10:00)

 - Koalicioni 27, grupi i organizatave të shoqërisë civile publikojnë raportin “Shkatërrimi ekologjik – Koha të veprojmë”. (Hotel Swiss Diamond, ora 10:00)

- Me rastin e Ditës Ndërkombëtare për Lirinë e Informimit, Agjencia për Informim dhe Privatësi mban konferencë kryetarët e Gjykatave si dhe Prokurorët e Prokurorive të Republikës së Kosovës. (Hotel Emerald, ora 10:15)

-  Komisioni për Ekonomi, Industri, Ndërmarrësi dhe Tregti diskuton mbikëqyrjen e zbatimit të Rekomandimeve të Kuvendit lidhur me auditimin e performances të ndërmarrjes publike KOSTT SH.A. (Ndërtesa e Kuvendit, salla N10, ora 11:00)

- Këshilli i Prindërve të Shkollës Fillore të Mesme të Ulët “Naim Frashëri”, Prishtinë organizon një protestë për të shprehur shqetësimet lidhur me prolongimin e fillimit të mësimit për vitin akademik 2022/2023. (Shkolla fillore "Naim Frashëri" në Prishtinë, ora 12:10)

- Lidhja Demokratike e Kosovës mban konferencë për medie lidhur me grevën në sektorin publik. (Selia qendrore e LDK-së, ora 11:00)

- Instituti Demokraci për Zhvillim organizon sallonin e radhes me temë “Dhuna online ndaj grave në politikë: Çfarë masa mund të ndërmarrim?”. (Libraria Dukagjini, ora 17:00)

- KFOR i udhëhequr nga NATO do të zhvillojë stërvitjen “Golden Sabre”. (Zona stërvitore të Camp Novo Selo)