09 Dhjetor 2021

8 komuna hapin qendrat e regjistrimit të bizneseve

Prishtinë, 18 maj - So  është nënshkruar Memorandumin e Mirëkuptimit, për hapjen e qendrave komunale të biznesit të njohura si "one stop shop", në mes Agjencise për Regjistrimin e Bizneseve Kosovare (ARBK), që vepron në kuadër të Ministrisë së Tregtisë dhe Industrisë (MTI), dhe përfaqësuesve të tetë komunave të Kosovës: Podujevës, Mitrovicës, Istogut, Gjilanit, Gjakovës, Shtërpcës, Dragashit dhe Suharekës, ku bizneseve do t’u mundësohet kryerja e të gjitha procedurave të regjistrimit nëpër këto qendra.

Ministri i Tregtisë dhe Industrisë, Lutfi Zharku me këtë rast ka thënë së përkundër asaj që regjistrimi i biznesit është më i avancuari dhe më i shpejti në rajon, ne po bëjmë hapat e mëtutjeshëm në ofrimin e këtij shërbimi edhe më afër qytetarit, gjegjësisht biznesit.

Zharku ka thënë po ashtu se me këtë rast se edhe pse në Kosovë procedurat e regjistrimit të bizneseve janë të avancuara, ato duhet të avancohen edhe më shumë.

 “Përkundër asaj që regjistrimi i biznesit është më i avancuari dhe më i shpejti në rajon, ne po bëjmë hapat e mëtutjeshëm në ofrimin e këtij shërbimi edhe më afër qytetarit, gjegjësisht biznesit. Aktiviteti sotëm i MTI-së konfirmon orientimin e Qeverisë së Kosovës që të adresojë dhe të zgjidh çdo sfidë që mund të identifikohet me çdo segment të ekonomisë dhe të shndërrojë atë në mundësi për të avancuar biznesin”, ka theksuar ministri Zharku.

Ai ka shtuar se themelimi i qendrave komunale të biznesit të njohura si “On stop shope” do të mundësojë jo vetëm regjistrimin e biznesit, por në fazat e mëvonshme do të ofrojë një pako të madhe shërbimesh tjera për fillimin e biznesit, duke filluar që nga sigurimi i lejeve në komunë e deri te konsulenca e drejtpërdrejt për investime në fusha të ndryshme në komunat përkatëse.

Drejtor i ARBK-së, Mehdi Pllashniku, ka thënë kt\y projekt  përveç që përshpejton procedurën e regjistrimit të bizneseve dhe minimizimin e faktorit kohë, ka edhe anën e vet ekonomike, ku qytetarit të Republikës së Kosovës iu ofrohet shumë për regjistrimin e bizneseve, apo ndryshimin në biznesin ekzistues.

Edhe kryetarët e komunave e kanë mirëpritur këtë projekt. Agim Veliu kryetar i komunës së Podujevës ka thënë se qëllimi i komunës është krijimi i ambienteve më të favorshme për biznesin.

 “Një prej qëllimeve tona është krijimi i ambienteve të volitshme dhe klimës së favorshme për zhvillimin e bizneseve vendore”, ka  deklaruar Veliu.
 Hapja e zyrave nëpër komuna sipas tij do të jetë një ndihmesë e madhe për këtë qëllim, sepse do të krijohen mundësi të mira për hapje të bizneseve të reja, qofshin ato të vogla, të mesme, apo të mëdha, qofshin ato vendore, apo ato me kapital të huaj.
 

Kalendari

Ngjarjet e datës 9 dhjetor 2021

- Shoqata e Bankave të Kosovës organizon hapjen e “Konventës Vjetore bankare të SHBK-së 2021”. (Swiss Diamond, ora 9:30)

- Lëvizja FOL organizon konferencë për media me ç’rast do të bëjë publikimin e gjetjeve nga hulumtimi “Perceptimet e sektorit privat rreth prokurimit publik”. (Zyrat e Lëvizjes FOL, ora 10:00)

- Universiteti i Prishtinës “Hasan Prishtina” dhe Kolegji IBC-M organizojnë tryezën e diskutimit për prezantimin e Raportit të Vlerësimit të Kartelës Matëse të Autonomisë Universitare. (Amfiteatri i Bibliotekës Qendrore Universitare, kampusi i UP-së, ora 10:00)

- Mbahet seanca e 2-të e rregullt të Kuvendit të Komunës së Mitrovicës në të cilën do të zgjedhet kryesuesi i Kuvendit të Komunës. (Salla e Kuvendit të Komunës, ora 10:00)

- Kryetari i Gjilanit, Lutfi Haziri i dorëzon detyrën kryetarit të ri, Alban Hyseni. (Zyra e Kryetarit, ora 11:00)

- Rrjeti Mesdhetar i Grave Ndërmjetësuese së bashku me OJQ-në She Solutions mban konferencën "Gratë në sektorin e sigurisë: ndërmjet sfidave dhe mundësive". (Zyra e BE për informim, ora 11:00)

- Instituti Demokratik i Kosovës / Transparency International Kosova organizojnë ekspozitën për fotografinë më të mirë kundër-korrupsion 2021, ku do të shpallen tre fituesit e kësaj gare. (Parku Arkeologjik ‘Lapidariumi’ përballë Muzeut Kombëtar të Kosovës, ora 11:00)

- OJQ AKTIV bën prezantimin e aplikacionit Aber online për celularë Android dhe iOS. (Hotel Ulpiana në Graçanicë, ora 11:00)

- Instituti D4D organizon tryezën diskutuese me temën “Fushata zgjedhore në llupë: A e kërcënojnë integritetin zgjedhor çrregullimet e informacionit?”. (Hotel Prishtina, ora 14:00)