03 Shkurt 2023

10 organizues të panaireve perfitojnë 325.000 euro

Bruksel, 18 qershor - Sot do të bëhet nënshkrimi i kontratave në mes Agjencisë për Promovimin e Investimeve në Kosovë dhe asociacioneve te bizneseve, organizatave joqeveritare, për organizimin e panaireve "B2B" (biznes me biznes) brenda dhe jashtë vendit.

Në këtë konferencë do të nënshkruhen kontrata me 10 asociacione te biznesit dhe organizatave jo qeveritare me 23 programe fituese ne vlere prej 325.000 eurosh.

Përfituesit e këtij projekti janë: Oda  Ekonomike e Kosovës (OEK); Oda Ekonomike Amerikane ne Kosove (OEAK); Shoqata e gruas – Jeta ne Deçan; Asociacioni Kosovar i Turizmit (KOTAS); Shoqata për teknologji te informacionit dhe komunikimit te Kosovës (STIKK); Qendra për menaxhim, vlerësim dhe ngritje te kualitetit (MAAC); Aleanca Kosovare e Biznesit (AKB); Shoqata e përpunuesve te drurit (SHPDK); SH-ERA (Woman’s bisiness association); Partneriteti OEK – OEAK.

Programet do të realizohen deri në muajin dhjetor, ku gjatë kësaj periudhe do të realizohen takime B2B, panaire brenda dhe jashtë vendit, si në:  SHBA, Turqi, Slloveni, Kroaci, Austri, Greqi, Holande, Zvicer, Shqipëri dhe në Mal të Zi.

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)