30 Janar 2023

Zoom përpiqet të zgjidhë problemet e sigurisë

New York, 2 korrik - Kompania Zoom Video Communications tha të mërkurën se i ka shtuar mbi 100 karakteristika të reja platformës së saj të videokonferencave, si pjesë e planit 90-ditor të shpallur prej saj për të zgjidhur problemet e sigurisë dhe privacisë.

Zoom shënoi një rritje të madhe në numrin e përdoruesve, pasi pandemia COVID-19 detyroi miliona njerëz kudo në botë të punonin nga shtëpia dhe të komunikonin me platforma të tilla video.

Por kompania u bë objekt kritikash për çështjet e sigurisë dhe privatësisë. Kjo bëri që Zoom t’i bënte përmirësime të njëpasnjëshme platformës së saj, në bazë të një plani 90-ditor. Kompania mori si këshilltarë disa ekspertë të sigurisë, përfshirë ish-shefin e sigurisë të Facebookut, Alex Stamos.

Zoom ka në plan të ofrojë këtë muaj kodimin e plotë të bisedave video si në variantin falas edhe në atë me pagesë.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)