18 Qershor 2021

Twitter vë në përdorim mekanizmin që mund të parandalojë postimet ofenduese

New York, 6 maj - Kompania e medias sociale njoftoi se ka vendosur një opsion që mund të zbulojë nëse një postim në Twitter ka përmbajtje ofenduese, e të nxisë përdoruesin që kërkon ta postojë të sigurohet se vërtet po kërkon ta dërgojë mesazhin.

"Njerëzit mblidhen në Twitter për të folur për atë që po ndodh dhe ndonjëherë bisedat për gjërat që na interesojnë mund të bëhen pasionante dhe ata thonë gjëra për të cilat mund të pendohen më vonë", tha kompania në një postim në blog.

"Kjo është arsyeja pse në vitin 2020, ne testuam këtë mekanizëm që inkurajon njerëzit të ndalen e të rishikojnë një përgjigje potencialisht të dëmshme ose fyese, përpara se ta dërgojnë".

Twitter-i nuk specifikoi se çfarë do të konsiderohej një postim "potencialisht i dëmshëm apo fyes".

Kompania aktualisht përdor një mekanizëm të ngjashëm i cili pyet përdoruesit nëse e ka lexuar një artikull përpara se ta shpërndajë atë.

Kompania tha se gjatë testimit, 34% e përdoruesve, kur iu kërkua ta redaktonin twittin ofendues, nuk e dërguan fare.

Kalendari

Ngjarjet e datës 18 Qershor 2021 - Kryetari i Komunës së Prizrenit, Mytaher Haskuka, së bashku me drejtorin e Drejtorisë së Urbanizmit dhe Planifikimit Hapësinor, Beni Kizolli do të vizitojnë banesat kolektive ku janë përfunduar punimet për renovimin e kulmeve, si dhe ku kanë filluar punimet për lyerjen e korridoreve. (Përballë Qendrës Sportive, ora 10:00)

- Anulohet -  Oda Ekonomike Amerikane në Kosovë mban tryeza e radhës bashkëbisedim me Ministren e Ekonomisë, Artanë Rizvanolli. (Zyrat e Odës Amerikane në Pejton, ora 10:00)

- Me rastin e Ditës Botërore të Refugjatëve, Ministri i Punëve të Brendshme, Xhelal Svecla, shefi i misionit të UNHCR, Erol Arduc, Drejtuesi i sektorit të bashkëpunimit nga Zyra e BE-së, Luigi Brusa, dhe Koordinatorja e OKB-së për Zhvillim, znj. Ulrika Richardsondo të zbulojn pllaken e përurimit të një pjese të sapo renovuar të Qendrës së Azilit, në Vranidoll të komunës së Prishtinës. (Qendra e Mbajtjes në Fshatin Vranidoll, ora 10:00)

- Kryetari i Komunës së Prizrenit, Mytaher Haskuka së bashku me nënkryetaren Memnuna Ajdini do të vizitojnë rajonin e Zhupës, ku do të shohin nga afër projektet e realizuara në këtë rajon. (Rajoni i Zhupës, ora 10:30)

- Kolegji Universum organizon një ligjeratë publike me Alain Le Roy - diplomat francez i cili ka qenë Zv. Sekretar i përgjithshëm i OKB-së, udhëheqës i gjitha operacioneve globale paqeruajtëse të OKB-së në botë, Ambasador i Francës dhe shumë poste tjera të rëndësishme. (Hapësirat e kolegjit Universum në kampusin e Lipjanit, ora 11:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton formimin e grupeve punuese për mbikëqyrjen e ligjeve. (Ndërtesa e Kuvendit, salla N204, ora 13:00)

- Mbahet mbledhja e Kryesisë së Kuvendit. (Ndërtesa e Kuvendit, salla C 301, ora 13:00)

- Klubi i Basketbollit Sigal Prishtina mban në konferencë për shtyp rreth më të rejave të klubit. (Pallati i Rinisë dhe Sporteve, ora 14:00)

- Prointegra organizon takim publik ''Kosova në lëvizje - Kontributi i diasporës''. (Online nëpërmjet ZOOM, ora 14:00)