30 Janar 2023

TikTok padit qeverinë amerikane

Pekin, 25 gusht - Aplikacioni kinez, TikTok ka vendosur ta padisë qeverinë amerikane rreth tentimeve të kësaj të fundit për të ndaluar shërbimet e platformës së popullarizuar, me arsyetimin e shqetësimeve për siguri kombëtare.

Ankesa ligjore, që është dorëzuar më 24 gusht në Kaliforni, argumenton se qeveria amerikane ka injoruar përpjekjet e kësaj kompanie për t’i adresuar shqetësimet që ka ngritur.

Presidenti amerikan, Donald Trump ka nënshkruar një urdhër ekzekutiv më 6 gusht, duke ndaluar transaksionet me pronarët e aplikacionit kineze TikTok brenda 45 ditëve, duke përmendur shqetësimet se TikTok mund të përdoret për fushata dezinformuese nga të cilat përfiton Partia Komuniste në Kinë.

Ndaras këtij vendimi, administrata Trump i ka dhënë afat kompanisë ByteDance, që menaxhon TikTokun, që të heqë dorë nga aplikacioni i videove para se të ndalojë atë në SHBA.

Në padinë e TikTokut në anën tjetër nuk është duke u sfiduar urdhri për shitje.

Dy kompani të mëdha si Oracle dhe Microsoft kanë shprehur interesim për blerje të shërbimeve të këtij aplikacioni në SHBA.

TikTok është aplikacion i popullarizuar në mesin e adoleshentëve dhe audiencës së moshave të reja, që përdorin atë për të shikuar video disa sekondëshe.

Vlerësohet që rreth 1 miliard persona e përdorin këtë aplikacion në gjithë botën.

Kompania kineze në anën tjetër insiston që nuk ndan të dhënat me Pekinin.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)