02 Shkurt 2023

SHBA do të ndalojë shkarkimin e WeChat dhe TikTok

Washington, 19 shtator - Departamenti amerikan i Tregëtisë tha se do t’i ndalojë njerëzit në Shtetet e Bashkuara që të shkarkojnë aplikacionet WeChat dhe TikTok që janë nën pronësi të firmave kineze, duke filluar nga 20 shtatori.

Zyrtarët e këtij departamenti thanë se ndalimi i shkarkimit të TikTok-ut ka ende mundësi të kthehet mbrapsht nga Presidenti Donald Trump para se të hyjë në fuqi të dielën, ndërsa kompania që e ka në pronësi, ByteDance, vazhdon përpjekjet për të realizuar një marrëveshje lidhur me të ardhmen e operacioneve të saj në Shtetet e Bashkuara.

ByteDance është në bisedime me korporatën Oracle dhe kompani të tjera për të krijuar një kompani të re, TikTok Global, që synon t’u japë përgjigje shqetësimeve amerikane lidhur me sigirinë e të dhënave të përdoruesve. ByteDance gjithsesi do të ketë nevojë për miratimin e Presidentit Trump për të hequr ndalimin në Shtetet e Bashkuara.

Zyrtarët e Departamentit të Tregëtisë thanë nuk do të ndalojnë transaksione të mëtejshme teknike për TikTok-un deri më 12 nëntor, gjë që i jep kompanisë më shumë kohë për një marrëveshje të mundshme për operacionet në Shtetet e Bashkuara.

Kalendari

Ngjarjet e datës 2 shkurt 2023

- Komisioni për Shëndetësi dhe Mirëqenie Sociale shqyrton draft-planin e punës për sesionin pranveror 2023. (Ndërtesa e Kuvendit, N303, ora 9:00)

Paneli i Gjykatës së Apelit bën shpalljen e aktgjykimit të apelit në çështjen Hysni Gucati dhe Nasim Haradinaj. (Hagë, ora 9:30)  

- Këshilli Gjyqësor i Kosovës (KGjK) mban mbledhjen e radhës. (Ndërtesa e KGjK-së, ora 10:00)  

- Kuvendi i Kosovës mban seancë plenare. (Kuvendi i Kosovës, ora 10:00)  

- Komisioni Qendror i Zgjedhjeve shënon Ditën Globale të Zgjedhjeve me temën “Pjesëmarrja në zgjedhje në Republikën e Kosovës dhe roli i institucioneve”. (Hotel Sirius, ora 10:00)  

-Ministri i Shëndetësisë, Arben Vitia, viziton Komunën e Ferizajt ku do të takohet me kryetarin Agim Aliu. (Ferizj, ora 10:30)

- Zëvendëskryeministrja e Republikës së Kosovës, Emilija Redžepi organizon tryezë të rrumbullakët me rastin e regjistrimit të ardhshëm të popullsisë së Kosovës. (Ndërtesa e Qeverisë, salla P38, ora 14:00)