30 Janar 2023

Nokia përzgjidhet nga NASA për të ndërtuar rrjetin e parë celular në Hënë

Helsinki, 20 tetor - Kompania finlandeze Nokia ka njoftuar së është përzgjedhur nga NASA për të ndërtuar rrjetin e parë celular në Hënë.

Rrjeti hënor do të jetë pjesë e përpjekjeve të agjencisë amerikane të hapësirës për të kthyer njerëzit në Hënë në vitin 2024 dhe për të ndërtuar atje vendbanime afatgjata mbi bazën e programit të saj Artemis.

Nokia tha se sistemi i parë i komunikimit pa tel me diapazon të gjerë në hapësirë do të ndërtohej në sipërfaqen hënore në fund të vitit 2022, përpara se njerëzit të kthehen atje.

Kompania finlandeze do të jetë partnere me firmën private Intuitive Machines me qendër në Teksas për të dërguar në Hënë pajisjet e rrjetit celular me zbarkuesin e tyre hënor.

Pas dërgimit të pajisjeve, rrjeti do të konfigurojë vetveten dhe do të vendosë sistemin e parë të komunikimit LTE (Long-Term Evolution – Evolucioni Afatgjatë) në Hënë, tha Nokia.

"Rrjeti do të bëjë të mundur komunikimin për aplikacione të ndryshme të transmetimit të të dhënave, duke përfshirë funksione të komandës dhe kontrollit, kontrollin në distancë të largët të automjeteve hënore, navigimin në kohë reale dhe transmetimin e videove me definicion të lartë," tha Nokia.
 



 

 

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)