01 Dhjetor 2022

NATO dënoi sulmin kibernetik ndaj Shqipërisë

Bruksel, 8 shtator - NATO duke e dënuar sulmin kibernetik ndaj Shqipërisë, theksoi se aleatët janë në solidaritet me të.

Në njoftimin e bërë nga NATO thuhet se vendet anëtare i kanë kushtuar vëmendje deklaratave të Shqipërisë dhe aleatëve të tjerë, të cilat përgjegjësinë për sulmet ia ngarkojnë qeverisë së Iranit.

"Dënojmë fuqishëm aktivitetet e tilla keqdashëse kibernetike që synojnë dëmtimin e sigurisë dhe destabilizimin e një aleati, si dhe prishë jetën e përditshme të qytetarëve", thekson njoftimi.

Më tej bëhet e ditur se NATO dhe aleatët i japin mbështetje Shqipërisë për të përforcuar mundësitë e saj të sigurisë kibernetike, duke shtuar se NATO do të vazhdojë të përforcojë mbrojtjen e saj kundër kërcënimeve të mundshme kibernetike.

Autoritetet e Shqipërisë në muajin korrik njoftuan se janë përballur me një sulm të madh kibernetik për të cilin dyshohej se ishte i sinkronizuar dhe kryhej nga jashtë vendit.

Shqipëria dje njoftoi ndërprerjen e marrëdhënieve diplomatike me Iranin, si kundërpërgjigje të sulmit kibernetik të kryer në muajin korrik ndaj infrastrukturave digjitale.

Ndërsa Irani kishte dënuar vendimin e Shqipërisë dhe kishte mohuar akuzat e SHBA-së dhe Britanisë së Madhe, të cilat e konsideronin Teheranin përgjegjës.

Kalendari

Ngjarjet e datës 1 dhjetor 2022

- Komisioni për Shëndetësi dhe Mirëqenie Sociale shqyrton Projektligjin mbi ndarjet buxhetore për Buxhetin e Republikës së Kosovës për vitin 2023, për fushat që janë në fushëveprim të Komisionit. (Ndërtesa e Kuvendit, salla N302, ora 9:00)

- Ne kuadër të Ditës botërore të luftës kundër sëmundjes së HIV/AIDS, Drejtoria e Shëndetësisë organizon hapjen e Qendrës Mobile për testim me ç’ rast Kryetari i Prishtinës, Përparim Rama bashkë me Drejtorin e Shëndetësisë Izet Sadiku do të vizitojnë këtë qendë. (Sheshi Zahir Pajaziti, ora 11:00)

- Komisioni për Ekonomi, Industri, Ndërmarrësi dhe Tregti shqyrton kërkesat buxhetore të institucioneve që i raportojnë Komisionit, lidhur me Projektligjin mbi ndarjet buxhetore për Buxhetin e Republikës së Kosovës për vitin 2023. (Ndërtesa e Kuvendit, salla N10, ora 11:00)

- Drejtoria e Shëndetësisë në Komunën e Prishtinës organizon një panel diskutimi me temë “Barazia - Dita Botërore e HIV/AIDS” me akterët relevant të kësaj teme. (Salla e amfiteatrit në objektin e Qendrës së Studenteve, ora 12:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston dëshmitare nga ZRRE për periudhën 2013-2017 dhenga KEK për periudhën 2018-2022. (Ndërtesa e Kuvendit, salla N204, ora 13:00)

- Ministrja e Drejtësisë, Albulena Haxhiu zhvillon një vizitë në Agjencinë për Ndihmë Juridike Falas. (Objekti i Agjencisë, ora 13:00) 

- Forumi i Gruas i LDK-së mban konferencë për medie. Tema e konferencës është vrasjet e grave dhe nevoja urgjente për reagim institucional e shtetëror. (Selia qendrore e LDK-së, ora 13:00)

- Partia Demokratike e Kosovës mban sot konferencë për media. (Selia Qendrore e PDK-së, ora 14:00)

- Ministrja e Drejtësisë, Albulena Haxhiu zhvillon një vizitë në Strehimoren në Prizren. (Strehimorja në Prizren, ora 14:30)

- Kolegji AAB organizon ceremoninë e ndarjes së Çmimit Ndërkombëtar për Demokraci dhe Integrime, politikanes së njohur gjermane, ish deputete në Parlamentin Evropian, zonjës Doris Pack. (Teatrin AAB “Faruk Begolli”, ora 15:00)

- Kolektivi Për Mendim dhe Veprim Feminist organizon protestë për të kërkuar që vrasjet e grave nga burrat të trajtohen si urgjencë kombëtare. (Sheshi Zahir Pajaziti, ora 16:00)

- Galeria 17 organizon hapjen e ekspozitës "In the making", nga Yll Xhaferi dhe DYVO. (Galeria 17, ora 18:00)

- Mbahet hapja solemne e Festivalit Ndërkombëtar të Filmit “Art Without Limit International Film Festival” edicioni i 3 -të. (Kino Armata, ora 19:00)