18 Qershor 2021

Mblidhet juria e edicionit 9-të të ICT Awards, Mbrëmja Gala më 11 Qershor

Prishtinë, 14 maj - Edicioni i 9-të i ICT Awards mbylli zyrtarisht aplikimet më datë 30 Prill 2021 në orar 23:59 duke i hapur kështu rrugë fazës së dytë të kësaj gare, të vlerësimit dhe shpërblimit të pionierëve të teknologjisë në trevat Shqipfolëse.  

Aplikimet u hapën më 27 Mars përmes një evenimenti inovativ plotësisht virtual duke vënë në funksion disa prej risive teknologjike më të fundit të vizualizimit 3D.  

Përgjatë 5 javëve pranë ICT Awards mbërritën 78 projekte me të cilat konkurrojnë 85 kandidatë në 8 kategoritë të ndryshme: Inovacioni i Vitit, Startupi i Vitit, Diploma e Vitit, Ylli në Ngritje, Femra në ICT, Cyber Security, Shërbimi Publik i Vitit dhe Covid-19 Response.  

Gurëthemeli i radhës i edicionit të nëntë ishte të Mërkurën më 12 Maj ku u mblodh në Tiranë juria e ICT Awards përbërë nga: Altin Petre, Visar Jasiqi, Alda Shehu, Azir Aliu, Igli Gjelishti, Gjergji Guri, Elton Domnori, Edlira Martiri dhe Ilir Capuni.  

Gjatë takimit u bë firmosja e Deklaratës së Konfidencialitetit, njohja me listën e plotë të aplikimeve të mbërritura në ICT Awards, diskutime mbi çështje me rëndësi bazuar në eksperiencën e anëtarëve të jurisë në vitet e kaluara dhe diskutimi dhe përcaktimi i kritereve të vlerësimit.  

Vëmendjen kryesore të këtij takimi e kishin padyshim kandidatët dhe projektet e mbërritura ndërsa në axhendën e tij ishte përzgjedhja e kryetarit të jurisë që këtë vit do të përfaqësohet nga zj. Edlira Martiri dhe roli i nën kryetarit të jurisë nga z. Gjergji Guri.

Zj. Edlira Martiri në cilësinë e kryetarit të jurisë së edicionit të 9-të vjen me një profil akademik si lektore pranë Departamentit Statistikë dhe Informatikë e Zbatuar pranë Fakultetit Ekonomik në Universitetin e Tiranës. E angazhuar në dhe me kontribut të shquar në dhjetëra projekte në fushën e teknologjisë dhe informacionit ajo bart titullin Doktor dhe Profesor i Asociuar pranë Fakultetit Ekonomik në Universitetin e Tiranës. Prej tre vitesh ajo ka qenë pjesë e jurisë së ICT Awards.

Qasja rigoroze dhe strikte me integritet të lartë profesional dhe pavarësi absolute vendimmarrjeje nga organizatorët e garës e anëtarëve të jurisë së ICT Awards është një cilësi e dëshmuar dhe e trashëguar ndër vite nga kjo garë mbarë kombëtare.  

Më 29 Maj juria do të udhëtojë drejt Kosovës ku do të presë në një takim kandidatët e përzgjedhur të listës së ngushtë që kanë aplikuar nga Kosova, Maqedonia, Mali i Zi dhe Lugina e Preshevës. Më 30 Maj fjalën e kanë kandidatët e listës së ngushtë nga Shqipëria dhe Diaspora. Të gjithë kandidatët do të njoftohen përpara datës 29 Maj për ecurinë e projektit të tyre në ICT Awards.

Surpriza, të ftuar ekskluzivë dhe nën emocione të shumta do të mbahet Mbrëmja Gala e edicionit të 9-të më 11 Qershor 2021 në Tiranë ku do të bëhet edhe ndarja e çmimeve.

ICT Awards hapi edicionin e 9-të të garës mbarëkombëtare në teknologji më 19 Mars duke ju adaptuar tashmë normalitetit të ri në mënyra inovative krijuar si rezultat i pandemisë së Covid-19.

Edicioni i 9-të i Albanian ICT Awards nis misionin e tij këtë vit me mbështetjen e sponsorëve gjeneralë dhe Diamond si Banka Raiffeisen, Fondacioni Dritan Hoxha, Albvision sponsorëve Platinum si Dev.al dhe Albsoft. Baboon, AUK, Universiteti Metropolitan si sponsorë Gold dhe 3i Solution, Soft&Solution, Ritech dhe Facilization si sponsor Silver.

 ICT Awards gëzon partneritetin edhe të Bashkia Tiranë, Komunës së Prishtinës, SEEU TechPark dhe KujuStudio.

 

Kalendari

Ngjarjet e datës 18 Qershor 2021 - Kryetari i Komunës së Prizrenit, Mytaher Haskuka, së bashku me drejtorin e Drejtorisë së Urbanizmit dhe Planifikimit Hapësinor, Beni Kizolli do të vizitojnë banesat kolektive ku janë përfunduar punimet për renovimin e kulmeve, si dhe ku kanë filluar punimet për lyerjen e korridoreve. (Përballë Qendrës Sportive, ora 10:00)

- Anulohet -  Oda Ekonomike Amerikane në Kosovë mban tryeza e radhës bashkëbisedim me Ministren e Ekonomisë, Artanë Rizvanolli. (Zyrat e Odës Amerikane në Pejton, ora 10:00)

- Me rastin e Ditës Botërore të Refugjatëve, Ministri i Punëve të Brendshme, Xhelal Svecla, shefi i misionit të UNHCR, Erol Arduc, Drejtuesi i sektorit të bashkëpunimit nga Zyra e BE-së, Luigi Brusa, dhe Koordinatorja e OKB-së për Zhvillim, znj. Ulrika Richardsondo të zbulojn pllaken e përurimit të një pjese të sapo renovuar të Qendrës së Azilit, në Vranidoll të komunës së Prishtinës. (Qendra e Mbajtjes në Fshatin Vranidoll, ora 10:00)

- Kryetari i Komunës së Prizrenit, Mytaher Haskuka së bashku me nënkryetaren Memnuna Ajdini do të vizitojnë rajonin e Zhupës, ku do të shohin nga afër projektet e realizuara në këtë rajon. (Rajoni i Zhupës, ora 10:30)

- Kolegji Universum organizon një ligjeratë publike me Alain Le Roy - diplomat francez i cili ka qenë Zv. Sekretar i përgjithshëm i OKB-së, udhëheqës i gjitha operacioneve globale paqeruajtëse të OKB-së në botë, Ambasador i Francës dhe shumë poste tjera të rëndësishme. (Hapësirat e kolegjit Universum në kampusin e Lipjanit, ora 11:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton formimin e grupeve punuese për mbikëqyrjen e ligjeve. (Ndërtesa e Kuvendit, salla N204, ora 13:00)

- Mbahet mbledhja e Kryesisë së Kuvendit. (Ndërtesa e Kuvendit, salla C 301, ora 13:00)

- Klubi i Basketbollit Sigal Prishtina mban në konferencë për shtyp rreth më të rejave të klubit. (Pallati i Rinisë dhe Sporteve, ora 14:00)

- Prointegra organizon takim publik ''Kosova në lëvizje - Kontributi i diasporës''. (Online nëpërmjet ZOOM, ora 14:00)