11 Gusht 2022

Lansohet Observatori i Agjendës Digjitale për Kosovë

Prishtinë, 4 nëntor - Open Data Kosovo publikoi Observatorin e Agjendës Digjitale për Kosovë, në kuadër të projektit ICEDA - Rritja e Iniciativës Qytetare Në Agjendën Digjitale.

Agjenda Digjitale për Ballkanin Perëndimorë është njëra nga shtyllat kryesore të strategjisë së Komisionit Evropian për Ballkanin Perëndimor. Agjenda Digjitale mbulon fusha të ndryshme siç janë: infrastruktura digjitale dhe qassjes në internet, modernizimi i administratës publike, digjitalizimi i industrive të ndryshme, siguria kibernetike dhe fusha të tjera të cilat lidhen me transformimin digjital dhe agjendën digjitale. Qëllimi i kësaj agjende është që qytetarët e rajonit të përfitojnë sa më shumë nga transformimi digjital përmes informimit, shkathtësimit dhe përfitimit të njohurive mbi digjitalizimin.

Në linjë me raportin e publikuar znj. Daniela Hoffman, Menaxhere e Programit në Zyrën e BE-së në Kosovë shprehu rëndësinë të cilën e ka transformimi digjital dhe jo vetëm në rritjen e vendeve të reja të punës dhe zhvillimin ekonomik por edhe për institucione më efikase dhe përmisimin e mënyrës së dhënies së shërbimeve për qytetarët.

Në anën tjetër z. Agim Kukaj, Udhëheqës i Departamentit të IT-së në Ministrinë e Ekonomisë dhe Ambientit theksoi rëndësinë e bashkëpunimit në mes të shoqërisë civile dhe qeverisë në implementimin e proceseve të ndryshme që lidhen me digjitalizimin dhe promovimin e tyre. Ai po ashtu theksoi rëndësinë e njoftimit të qytetarëve me mënyrën e përdorimit të shërbimeve digjitale për shkak që numri i përdorimit të tyre është ende i vogël.

Disa nga rekomandimet të cilat u dhanë gjatë eventit dhe që janë pjesë e raportiti:

    Zhvillimet strategjike, ligjore dhe administrative - Përditësimi i strategjisë ekzistuese me atë të Agjendës Digjitale të BE-së, përfshirja më e madhe e OSHC-ve në procesin e digjitalizimit, miratimi i ligjeve të duhura që ndërlidhen me shërbimet elektronike sidomos në raport me Identitetin Digjital.

    Edukimi Digjital - Rritja e promovimit të përdorimin e shërbimeve elektronike duke përfshirë krijimin e kushteve të duhura teknike, edukimin e qytetarëve në lidhje me përdorimin e tyre, trajnimin e zyrtarëve publik në ofrimin e ndihmës, dhe angazhimin më të madh institucional në lidhje me agjendën digjitale dhe qeverisjen elektronike.

    Siguria Kibernetike - Siguria kibernetike është domësdoshmëri përmes të cilës institucionet përkatese do të bëjnë mbrojtjen e të dhënave personale të qytetarëve dhe do të rrisin besimin në këto shërbime. 

Kalendari

Ngjarjet e datës 12 gusht 2022

 - Kryeministri i Republikës së Kosovës, Albin Kurti, bashkë me ministrin e Financave, Punës dhe Transfereve, Hekuran Murati, vizitojnë Doganën e Kosovës. (Drejtoria e Doganës, ora 8:30)

- Kuvendi nëpërmjet Grupit të Deputetëve të Rinj shënon Ditën Ndërkombëtare të Rinisë. (Salla plenare, ora 10:00)

- Komuna e Rahovecit organizon takimet B2B në kuadër të aktiviteteve të Muajit të Mërgimtarëve. (Restaurant Ura e Shenjtë, ora 10:00)

- Nisma e të Rinjve për të Drejtat e Njeriut – Kosovë ((YIHR KS) shënon Ditën Ndërkombëtare të Rinisë me një aksion rrugor me slloganin “Kur bohet mirë?!” (Sheshi “Nënë Tereza”, ora 12:00)

- Avokati i familjes Dehari, Tomë Gashi, mban konferencë për medie në lidhje me rastin e vdekjes së aktivistit të VV-së, Astrit Dehari. (Zyrat e Tomë Gashit, mbi Kino ABC, ora 12:00)

- Qendra për Këshillim, Shërbime Sociale dhe Hulumtime organizon Festivalin e Rinisë për nder të Ditës së Rinisë. (Lagjja Taukbashqe, ora 18:00)

- Në kuadër të Akademisë Verore ‘’Arbën Xhaferi"  mbahet panel diskutimi me deputetët e rinjë të Kuvendit të Kosovës lidhur me rolin dhe rëndesin e të rinjëve në politikë. (Akademia për Siguri Publike të Kosovës, ora 19:30)