11 Gusht 2022

ICK dhe UN Women në ndihmë 150 grave me aftësi të kufizuara

Prishtinë, 2 mars - Marrëveshja e nënshkruar nga drejtori ekzekutiv i ICK-së, Uranik Begu dhe Udhëheqësja e Zyres së UN Women në Kosovë, Vlora Tuzi-Nushi, parasheh ofrimin e mundësive për aftësim online të grave dhe vajzave me aftësi të kufizuara, gjatë periudhës së pandemisë.

Gjatë muajit Mars 2021, në bashkëpunim me zyren e Handikos, 150 pajisje (lap top dhe PC) do të dorëzohen individualisht tek secila përfituese, ndërsa një grup prej 25 vullnetarësh do të asistojë gratë dhe vajzat gjatë gjithë procesit të trajnimeve online.

Përveq trajnimeve online, grave dhe vajzave përfituese të projektit, do tu ofrohet mundësi e promovimit të ideve të biznesit, tregimeve të suksesit dhe debate televizive në lidhje me gjendjen dhe ndërlidhjen me tregun e punës të personave me aftësi të kufizuara.

Kalendari

Ngjarjet e datës 11 gusht 2022

- Handikos organizon ceremoninë e shpërndarjes së 70 karrocave për personat me aftësi të kufizuara, donacion nga Izraeli, ku do të marrin pjesë ambasadorja e Izraelit, znj. Tammy Ziv, ministrja e Ministrisë për Punë të Jashtme dhe Diasporë,  znj. Donika Gërvalla dhe ministri i Administrimit të Pushtetit Lokal, Elbert Krasniqi. (Qendra e Resurseve për Personat me Aftësi të Kufizuara Adresa: Veternik, ora 10:00)

- Grupi i asamblistëve të Lëvizjes Vetëvendosje në Komunën e Prishtinës mban konferencë për media. (Selia qendrore e Vetëvendosjes, ora 11:00)

- Në qytetin e Vushtrrisë organizohet Akademia Verore "Arbën Xhaferi‘’ edicioni i II-të. (Kalaja e Vjetër të Vushtrrisë, ora 17:00)