19 Janar 2022

Gjykata lë në fuqi gjobën prej 2.4 miliardë euro kundër Google

Bruksel, 11 nëntor - Gjykata e Përgjithshme e BE-së la në fuqi të mërkurën një gjobë të Komisionit Europian prej 2.4 miliardë eurosh që prej vitit 2017 kundër kompanisë amerikane teknologjike Google për abuzim me dominimin e saj në treg duke promovuar shërbimin e saj të blerjeve.

“Duke hedhur poshtë ankesën e gjigantit të teknologjisë amerikane, gjykata e dytë më e lartë e Bashkimit Europian mbështeti konkluzionet e nxjerra nga dega ekzekutive e BE-së. Gjyqtarët në Luksemburg zbuluan se Google kishte favorizuar shërbimin e vet të blerjeve duke lënë pas shërbimet konkurruese”, sipas një deklarate zyrtare për shtyp të gjykatës.

Vendimi i së mërkurës, një nxitje për ambiciet e BE-së për të frenuar dominimin e Google në treg, mund të kundërshtohet ende në gjykatën më të lartë të bllokut, në Gjykatën Europiane të Drejtësisë.

Google tha se ky rast lidhej me një grup shumë specifik faktesh dhe se kishte respektuar vendimin e komisionit në vitin 2017, duke ndryshuar mënyrën sesi funksiononte shërbimi i tij. “Vendimi i Gjykatës së Përgjithshme të BE-së është duke u shqyrtuar”, tha zëdhënësja e Google, Emily Clarke.

Kalendari

Ngjarjet e datës 19 janar 2022

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Projektligjin për ndryshimin dhe plotësimin e Ligjit për Shitjen e Banesave për të cilat ekziston e Drejta Banesore, shqyrton raportin e grupit punues në lidhje me zbatimin e mbikëqyrjes së Ligjit për përgjegjësinë disiplinore të gjyqtarëve dhe prokurorëve, etj. (Ndërtesa e Kuvendit, salla N303, ora 10:00)

- Instituti i Kosovës për Drejtësi me përkrahje të Departamentit të Shtetit Amerikan - Byrosë Ndërkombëtare për Çështje të Narkotikëve dhe Zbatimit të Ligjit dhe NED-it mban konferencë për media në të cilën do të prezantohet analiza me titull “Konfiskimi i pasurisë së pajustifikueshme: problemet juridike të Projektligjit aktual”. (Hotel Sirius, ora 10:00)

- Komisioni për Shëndetësi dhe Mirëqenie Sociale shqyrton draft raportin e monitorimit të Ligjit për Shëndetin Mendor dhe diskuton për punën e Këshillit për Objektivat e Zhvillimit të Qëndrueshëm. . (Ndërtesa e Kuvendit, salla N302, ora 10:00)

- Komisioni për Mbikëqyrjen e Financave Publike inicon procedurat lidhur me auditimin e raporteve vjetore financiare dhe raportet e deklarimit financiar të fushatës, së subjekteve politike, për vitin 2021. (Ndërtesa e Kuvendit, salla N10, ora 10:00)
 
- Lëvizja FOL vazhdon serinë e debateve FOL Hapur me Ministren e Industrisë, Ndërmarrësisë dhe Tregtisë, Rozeta Hajdari. (Hotel Sirius, ora 11:00)

- The British School of Kosova organizon shfaqjen edukativo - arsimore për fëmije  "Mushkonjat dhe Princi". (Teatri "Faruk Begolli" në Kolegjin AAB, ora 11:00)

- Administrata Tatimore e Kosovës mban ceremoninë e themelimit të 22 vjetorit të saj në të cilën do të marrin pjesë Ministri i Financave, Punës dhe Transfereve Hekuran Murati dhe drejtues nga odata ekonomike, përfaqësues nga institucionet ndërkombëtarë, si dhe përfaqësues nga organizatat e kontabilitetit. (Qendra e Shërbimit për Tatimpagues, ish-ndërtesa e Gërmisë, sheshi Skënderbeu, ora 14:00)

- Në kuadër të manifiestimit 'Flaka e Janarit' hapet ekspozitë memoaresh e kujtimesh "Dhoma e Kadriut, Jusufit dhe Bardhoshit". (Muzeu Etnologjik i qyteti të Gjilanit, ora 16:00)

- Partia Socialdemokrate do të mbaj tubim me qytetarë ku do të shpaloset Manifesti - dokumenti i parë i partisë. (Hotel Grand, ora 17:00)