01 Tetor 2022

Aksionet e Twitter bien rreth 5 për qind pasi Musk heq dorë nga blerja

New York, 12 korrik - Aksionet e rrjetit social Twitter ranë rreth 5 për qind përpara hapjes së bursës amerikane të hënën, pasi miliarderi Elon Musk u tërhoq nga marrëveshja 44 miliardë dollarëshe për ta blerë rrjetin social.

Aksionet ranë me 4,9 për qind në 35 dollarë amerikanë në orën 8:00 të mëngjesit EDT (12:00 GMT), pasi u mbyllën me 36.81 dollarë të premten në New Jork.

Vlera e tregut e kompanisë ra në rreth 28.1 miliardë dollarë me një humbje prej rreth 1.4 miliardë dollarë.

Drejtori i Përgjithshëm i Teslas, Elon Musk, njoftoi të premten vonë tërheqjen e tij nga marrëveshja për blerjen e rrjetit social Twitter, duke përmendur mungesën e informacionit në lidhje me llogaritë e rreme. Megjithatë, Twitter thotë se do të padisë Musk-in për mos respektimin e kontratës.

Në muajin maj, Musk tha se marrëveshja e blerjes nuk mund të realizohej derisa të pastroheshin informacionet rreth llogarive të rreme.

Më 21 qershor, bordi i drejtorëve të kompanisë Twitter këshilloi që aksionarët njëzëri të miratojnë ofertën nga Musk.

Më 16 qershor, Musk tha se donte që Twitter të kishte 1 miliard përdorues, si dhe paralajmëroi largime nga puna në takimin e tij të parë me punonjësit e kompanisë, si dhe përsëriti kërkesën për abonime me pagesë, duke argumentuar se përdoruesit duhet të paguajnë për t'u informuar.
 

Kalendari

Ngjarjet e datës 30 shtator 2022

- Në Ditën Ndërkombëtare e Personave të Moshuar UNFPA prezanton të dhenat kyqe dhe opsionet e dala nga anketa për izolimin social tek personat e moshuar në Kosovë. (Hotel International Prishtina, ora 10:00)

- Mbahet takimi i 219-të i Këshillit Prokurorial të Kosovës. (Online, ora 10:00)

- Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës interviston Hekuran Murati, Minister i Financave, Punës dhe Transfereve dhe interviston Ymer Fejzullahu, Kryesues i Bordit të Zyrës së Rregullatorit për Energji. (Ndërtesa e Kuvendit, salla N204, ora 10:00)

- Balkan Green Foundation me mbështjetje të Heinrich Böll Stiftung mban konferencë për media, në të cilën do të prezentohet hulumtimi: “Kriza Energjetike në Ballkanin Perëndimor: Masat e ndërmarra në kohën e rritjes së çmimeve të energjisë”. (Zyret e Balkan Green Foundation afër Librarisë Koha në Prishtinë, ora 12:00)

- Nën organizimin e organizatës gjermane GIZ, kryetarët e komunave të regjionit të Gjilanit nënshkruajnë memorandum mirëkuptimi. (Hotel Astoria në Gjilan, ora 13:00)

- Kryeministri i Republikës së Kosovës, Albin Kurti, së bashku me Zëvendëskryeministren për Çështje të Pakicave dhe të Drejtat e Njeriut, znj. Emilija Redžepi, marrin pjesë në tryezën e rrumbullakët me komunitetin boshnjak, organizuar nga Zyra për Çështje të Komuniteteve e Zyrës së Kryeministrit. (Ndërtesa e Qeverisë, ora 13:30)

- Presidenti i FIFA-s, Gianni Infantino do të qëndrojë në Kosovë ku mbajë edhe një konferencë për media. (Selia e Federatës së Futbollit, ora 15:00)

- Kryeministri i Kosovës, Albin Kurti, ministri Hajrulla Çeku, përfaqësues të Federatës së Xhudos të Kosovës marrin pjesë në ceremoninë e lansimit të programit "Kosova, shtet i xhudos”. (Lapidariumi i Muzeut Kombëtar të Kosovës, ora 17:00)

- Qendër Telefonike për Parandalim të Vetëvrasjes Linja e Jetës organizon një koncertë për mbledhje të fondeve në mënyrë që të mos mbyllet pasi është në gjendje të rënduar financiare, ora 20:30