18 Qershor 2021

Zidan: Më mirë vdes se i kërkoj falje Materacit

Paris, 3 mars - Po shkojmë drejt 4-vjetorit, por Zinedin Zidan nuk e ka harruar. Mbi të gjitha nuk e ka falur. Intervistuar nga “El Pais”, nuk e përmend kurrë Materacin, por nuk bën asgjë për ta fshehur ndjenjën e tij ndaj mbrojtësit të Interit.

Madje. Zizu duket si një lumë që është gati të derdhet: kujtimet e asaj skene në finalen e Berlinit duken të pashlyeshme dhe që djegin ende. Për vdekje. “Preferoj të vdes, sesa t’i kërkoj falje një egërsire”, titullon “El Pais”, që i rikthehet asaj që e përkufizon një “goditje e mrekullueshme me kokë”.

“Është e qartë që më vjen keq. Por nëse unë do t’i kërkoja falje, do të pranoja rrjedhimisht, se ajo që ai ka bërë është normale. Por për mua nuk ishte normale. Në fushë ndodhin shumë gjëra. Nuk ishte hera e parë që gjendesha në një situatë të tillë, por në atë rast nuk munda të rezistoja. Sepse në të kundërt. Nuk është se po kërkoj falje, por mamaja ime ishte sëmurë. Ishte në spital dhe njerëz si ai nuk e dinin. Për mua ishte një moment i keq. Shumë herë në jetën time më kanë sharë nga nëna dhe nuk kam reaguar kurrë. Por aty u përgjigja. T’i kërkoj falje atij… Por të kishte qenë Kaka, një tip normal, një njeri i mirë, sigurisht që do t’i kërkoja falje. Atij jo! Nëse i kërkoj falje, do të thotë për mua mungesë respekti ndaj vetes time dhe ndaj të gjithë personave, për të cilët më dhemb zemra. I kërkoj falje futbollit, tifozëve, skuadrës… Pas ndeshjes hyrë në dhomat e zhveshjes dhe u thashë: ‘Më falni. E di se nuk ndryshon asgjë, por u kërkoj falje të gjithëve’. Por atij nuk mundem. Kurrë, kurrë… Do të ishte si të çnderohesha… Do të preferoja të vdisja”. Zidan përpiqet ta lexojë paksa pozitiv episodin ose pak a shumë si një leksion për të rinjtë, që fillojnë të luajnë futboll, ashtu sikurse dy fëmijët e tij, që janë në shkollën e Realit të Madridit. “Të rinjve duhet t’u thuhet, duhet të luhet në një mënyrë më fisnike. Në fushë mund të ndodhin gjëra të pakëndshme, por futbolli është një sport dhe nuk duhet të kthehet në një turp. Unë flisja pak, por edhe unë kam sharë kundërshtarë”, përfundon Zidan.

Kalendari

Ngjarjet e datës 18 Qershor 2021 - Kryetari i Komunës së Prizrenit, Mytaher Haskuka, së bashku me drejtorin e Drejtorisë së Urbanizmit dhe Planifikimit Hapësinor, Beni Kizolli do të vizitojnë banesat kolektive ku janë përfunduar punimet për renovimin e kulmeve, si dhe ku kanë filluar punimet për lyerjen e korridoreve. (Përballë Qendrës Sportive, ora 10:00)

- Anulohet -  Oda Ekonomike Amerikane në Kosovë mban tryeza e radhës bashkëbisedim me Ministren e Ekonomisë, Artanë Rizvanolli. (Zyrat e Odës Amerikane në Pejton, ora 10:00)

- Me rastin e Ditës Botërore të Refugjatëve, Ministri i Punëve të Brendshme, Xhelal Svecla, shefi i misionit të UNHCR, Erol Arduc, Drejtuesi i sektorit të bashkëpunimit nga Zyra e BE-së, Luigi Brusa, dhe Koordinatorja e OKB-së për Zhvillim, znj. Ulrika Richardsondo të zbulojn pllaken e përurimit të një pjese të sapo renovuar të Qendrës së Azilit, në Vranidoll të komunës së Prishtinës. (Qendra e Mbajtjes në Fshatin Vranidoll, ora 10:00)

- Kryetari i Komunës së Prizrenit, Mytaher Haskuka së bashku me nënkryetaren Memnuna Ajdini do të vizitojnë rajonin e Zhupës, ku do të shohin nga afër projektet e realizuara në këtë rajon. (Rajoni i Zhupës, ora 10:30)

- Kolegji Universum organizon një ligjeratë publike me Alain Le Roy - diplomat francez i cili ka qenë Zv. Sekretar i përgjithshëm i OKB-së, udhëheqës i gjitha operacioneve globale paqeruajtëse të OKB-së në botë, Ambasador i Francës dhe shumë poste tjera të rëndësishme. (Hapësirat e kolegjit Universum në kampusin e Lipjanit, ora 11:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton formimin e grupeve punuese për mbikëqyrjen e ligjeve. (Ndërtesa e Kuvendit, salla N204, ora 13:00)

- Mbahet mbledhja e Kryesisë së Kuvendit. (Ndërtesa e Kuvendit, salla C 301, ora 13:00)

- Klubi i Basketbollit Sigal Prishtina mban në konferencë për shtyp rreth më të rejave të klubit. (Pallati i Rinisë dhe Sporteve, ora 14:00)

- Prointegra organizon takim publik ''Kosova në lëvizje - Kontributi i diasporës''. (Online nëpërmjet ZOOM, ora 14:00)