01 Shkurt 2023

Tebas i rekomandon Messi të qëndrojë në Barcelonë

Barcelonë, 25 mars - Presidenti i La Liga-s, Javier Tebas i rekomandoi futbollistit argjentinas Lionel Messi të qëndrojë në Barcelonë, kontrata e të cilit do të përfundojë në fund të sezonit.

Tebas, në deklaratën e tij për mediat në një aktivitet që mori pjesë ne qytetin Malaga tha se "Të isha këshilltari i Messit, i kisha thënë të bëjë gjithçka që është e mundur të qëndrojë në Barcelonë".

"Shpresoj që Messi të qëndrojë. Futbollisti më i mirë i historisë së futbollit", tha Tebas duke shtuar se:

"Nëse i mendon vitet e fundit të tij në futboll duhet të qëndrojë në Barcelonë. Filloi në Barcelonë dhe këtu duhet të vazhdojë. Do të humbte vlerën e markës nëse do të shkonte në Paris Saint Germain ose Manchester City".

Ai tha se La Liga nuk duhet të jetë e lidhur vetëm me një futbollist. "Konkurrenca varet nga klubet dhe skuadrat e tyre. Kur Neymar dhe Ronaldo shkuan nuk pashë se ligat e Francës ose Italisë u bënë më të mirat në Evropë. Ligat nuk janë të lidhur me futbollistët. Vetëm një futbollist nuk ndryshon rrjedhën e ligës", tha ai.

Kreu i La Liga-s tha se në varësi të pandemisë në fund të muajit prill ose fillim të majit mund të vijë në rend dite pranimi i tifozëve në stadiume.

Sipas tij, për shkak të COVID-19, La Liga ka pësuar një humbje të madhe ekonomike. "Humbjet tona neto janë 1 miliard euro dhe ne shumë pak mërzitemi se sa duhet për këtë", u shpreh Tebas.

 

Kalendari

Ngjarjet e datës 1 shkurt 2023

- Ndërmarrja Publike Banesore, qiramarrësit, punëtorët e lokaleve dhe qytetarë të tjerë protestojnë për rritjen e çmimit të qirasë për lokalet në Prishtinë.  (Komuna e vjetër e Prishtinës, ora 9:00)

- Komisioni për të Drejtat dhe Interesat e Komuniteteve dhe Kthim, formon grupin punues për hartimin e planit të punës së komisionit për vitin 2023. (Kuvendi i Kosovës, salla N302, ora 9:30)
 
- Auditorja e Përgjithshme, Vlora Spanca do të shpalos gjetjet dhe rekomandimet e raporteve të auditimit: “Të hyrat nga qiraja në Agjencinë Kosovare të Privatizimit për periudhën 2012-2021”, si dhe “Funksionimi i sistemit të Grantit të Performancës Komunale dhe menaxhimi i projekteve të financuara nga donatorët për vitin 2021”. (Ambientet e Zyrës Kombëtare të Auditimit, ora 11:00)

- Komisioni për të Drejtat dhe Interesat e Komuniteteve dhe Kthim, formon grupin punues për hartimin e planit të punës së komisionit për vitin 2023. (Kuvendi i Kosovës, salla N302, ora 11:30)

- Kuvendi i Republikës së Kosovës vazhdon seancën plenare. (Kuvendi i Kosovës, ora 12:00)