Munich, 8 mars - Anësori i Bayern Munichut, Franck Ribery, ka bërë të ditur se së shpejti do të marrë një vendim për të ardhmen e tij.

Francezi është në shënjestër të Real Madridit, Barcelonës, Chelseat, Manchester Unitedit dhe Juventusit, ndërsa bavarezët dëshirojnë ta mbajnë për vete.

“Do ta marr vendimin për të ardhmen time në dy-tri javët e ardhshme. Nuk jam qind për qind i sigurt nëse do të shkoj te Real Madridi. Barca është shumë e interesuar, po ashtu edhe Chelsea”.

“Po ashtu nuk do të thotë se me siguri do të largohem nga Bayern Munichu. Së shpejti do të vendos për të ardhmen time”, ka thënë Ribery për Telefoot.