28 Tetor 2021

Përkujtohet legjenda e futbollit të Kosovës, Fadil Vokrri

Prishtinë, 9 qershor - Me rastin e dy vjetorit të vdekjes së legjendës së futbollit të Kosovës, Fadil Vokrri, Ministrja e Kulturës, Rinisë dhe Sportit, Vlora Dumoshi, ka bërë homazhe si shenjë kujtimi dhe nderimi për figurën e tij.

Ministrja Dumoshi e vlerësoi lart figurën e Fadil Vokrrit duke e konsideruar si një person që lind rrallë dhe se shembulli i tij do të jetë një frymëzim për gjeneratat që do të vijnë pas.

“Sot bëhen dy vjet nga mosprania fizike e Fadil Vokrrit mes nesh. Por asnjëherë nuk e kemi ndarë nga mendja kujtimin për legjendën e futbollit shqiptar. Figurat e tilla sikurse Fadil Vokrri, i cili me angazhimin e tij ka depërtuar jo vetëm në hapësirat gjithëshqiptare por edhe në Evropë dhe Botë. Sot e kujtojmë me dhimbje por edhe krenari sepse vërtet na mungon”, tha mes tjerash ministrja Dumoshi.

“Njerëz si Fadil Vokrri lindin shumë rrallë dhe populli i Kosovës ka qenë me fat që ka pasur në mesin e tij një personalitet si ai. Shembulli i angazhimit të paharruar të tij mbetet frymëzim për breza të tërë, me dekada, qoftë si futbollist aktiv në fushën e blertë, duke u dhënë kurajo të rinjve të merren me sport, por edhe si një lloj mobilizimi me kontributin e tij në fushën e futbollit."

"Populli shqiptar i Kosovës është identifikuar me Fadilin në aspektin kombëtar ku suksesi dhe paraqitja e tij është konsideruar edhe si ngushëllim për padrejtësitë dhe dëmet historike që i janë bërë popullit shqiptar të Kosovës me dekada të tëra."

"Fadili me shembullin e tij frymëzoi dhe mobilizoi shqiptarët e Kosovës se ky popull mundet të arrijë sukses dhe të realizojë atë që synon. Kanë qenë gjithmonë momente krenarie për ne si gjeneratë që jemi rritur me të, sa herë që ai ka pasur sukses, ne jemi gëzuar dhe kemi rritur shpresën për një Kosovë më të mirë, të lirë e të pavarur”, vlerësoi ministrja.

Ministrja Dumoshi tha se në këtë dy vjetor të përkujtimit për figurën legjendare të Fadil Vokrrit, bashkë me krerët e FFK-së po kujtojnë dhe nderojnë atë që ia kushtoi një jetë të tërë futbollit.

“Shembulli i Fadilit edhe si kryetar i Federatës së Futbollit të Kosovës ka qenë një motor bashkimi që sporti i futbollit të avancohet në Kosovën e pas luftës, kur ai luajti edhe rol vendimtar në ndërkombëtarizimin e futbollit të Kosovës. Angazhimi i tij në këtë proces rezultoi edhe me pranimin e FFK-së në UEFA dhe FIFA si një kurorëzim me medalje të artë, siç edhe ka qenë vet Fadili, gjithmonë i artë”, u shpreh ajo.

Kalendari

Ngjarjet e datës 28 Tetor 2021

- Fillon administrimi i vaksinës kundër gripit sezonal. (Salla 1 Tetori nga ora 08:00 deri në ora 19:00)

- Kryeministri Albin Kurti, bashkë me Ministrin e Financave, Punës dhe Transfereve, Hekuran Murati, mbajnë konferencë për media, në lidhje me operacionalizimin e masës 2.1-Subvencionimi i Kredive Investive - dhe masës 2.4 - Mbështetje e eksportit- të Pakos së Ringjalljes Ekonomike. (Ndërtesa e Qeverisë (Salla P38), ora 10:00)

- Komisioni për Mbikëqyrjen e Agjencisë së Kosovës për Inteligjencë diskuton rreth çështjeve vijuese nga fushëveprimi i Komisionit. (Ndërtesa e Kuvendit, salla N302, ora 10:00)

- Kryetari i Bashkësisë Islame të Kosovës, Myftiu Naim Tërnava do ta pres një delegacioni të lartë nga Mbretëria e Arabisë Saudite, i kryesuar nga Shkëlqesia e Tij, Dr. Abdul-Latif bin Abdul-Aziz Al Shejkh, Ministër i Çështjeve Fetare në Mbretërinë e Arabisë Saudite. (Selia e Kryesisë së BIK-ut, ora 10:00)

- Komisioni Qendror i Zgjedhjeve shpall rezultatet përfundimtare të raundit të parë të Zgjedhjeve për Kryetarë të Komunave. (Ndërtesa e KQZ-së, Kati 4, ora 10:00)

- Kolegji AAB organizon mbledhjen Komemorative me rastin e kalimit në amshim të Burbuqe Berisha. (Teatri AAB “Faruk Begolli” në Kolegjin AAB, ora 10:00)

- Komisioni Ad hoc për përzgjedhjen e kandidatëve për anëtar të Bordit të RTK-së shqyrton listën e kandidatëve të propozuar për anëtarë të Bordit të RTK-së. (Ndërtesa e Kuvendit, salla N10, ora 11:00)

- Komuna e Prishtinës inauguro Qendren e re e të Moshuarve në lagjen Ulpianë. (Rr. Imzot Nikë Prelaj, E30, Ulpianë mbrapa pompës Exfis, ora 11:00)

- Punëtorët e Ferronikelit protestojnë para Qeverisë së Kosovës. (Objekti i Qeverisë, ora 11:30)

- Mbahen homazhet për të ndjerën Burbuqe Berisha. (Përpara Teatrit Kombëtar, ora 12:00)

- Kryeministri Kurti dhe Ministri i Financave, Punës dhe Transfereve Hekuran Murati vizitojnë Administratën Tatimore të Kosovës. (ATK, kati I, ora 13:30)

- Hapet edicioni i 12 i Festivalit të Filmit të Shkurtër "Ballkani Përtej Kufijve. (Kino Armata)

 

- Kryetari i Komunës së Prizrenit, njëherësh kandidat për kryetar të Prizrenit nga Lëvizja Vetëvendosje!, prof. dr. Mytaher Haskuka, do të mbajë konferencë për media. (Zyret e Lëvizjes në Prizren, ora 16:00)