30 Janar 2023

Përfaqësuesja e Kosovës në futboll prezanton logon dhe fanellat e reja

Prishtinë, 23 mars - Janë prezantuar logoja e re e Federatës së Futbollit të Kosovës (FFK) dhe fanellat e reja të përfaqësueses kosovare në futboll me të cilat do të luajë në kualifikimet për Kampionatin Botëror “Katar 2022”.

Logoja dhe fanellat u prezantuan në një konferencë për media, të kryesuar nga nënkryetari i FFK-së, Bakir Burri, i cili tha se dielli i paraqitur në simbolin e ri të FFK-së paraqet simbolin e dardanëve, paraardhësve të Kosovës, që simbolizon fuqinë.

“Kjo emblemë e Federatës së Futbollit pëlqehet nga të gjithë, besoj se është e qëlluar, i ka simbolet tona që mendoj se një emblemë duhet t’i ketë. Shpresoj që me këtë emblemë dhe në këto fanella të kemi fat në këtë garë dhe në vazhdimësi edhe në gara tjera të radhës”, theksoi Burri, i cili shtoi se ndërrimi i logos ka qenë kërkesë njëherësh dhuratë nga UEFA dhe FFK nuk ka investuar asgjë për këtë projekt.

Në konferencë u prezantuan edhe fanellat e përfaqësues së Kosovës në futboll me të cilat ekipi kosovar do të luaj në kualifikimet për “Katar 2022”. Kosova do të luaj me fanella me pesë ngjyra të ndryshme, të bardhë, të zezë, portokalli, të kaltër dhe ngjyrë ari.

Kombëtarja e Kosovës në futboll do të zhvillojë ndeshje miqësore me kombëtaren e Lituanisë më 24 mars në stadiumin “Fadil Vokrri” në Prishtinë.

Më 28 mars në kuadër të kualifikimeve për Kupën e Botës "Katari 2022", kombëtarja e Kosovës pret në stadiumin “Fadil Vokrri” në Prishtinë kombëtaren e Suedisë ndërsa më 31 mars udhëton në Spanjë kundër kombëtares spanjolle.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)