07 Tetor 2022

Murinjo-Baloteli, evitohet kontakti fizik

Milano, 18 shkurt - Përjashtimi i Mario Balotelit nga sfida më e rëndësishme e vitit, ajo që Interi luajti dje kundër Çelsit në Champions, nuk është thjesht një zgjedhje teknike.

Marrëdhënia e sulmuesit me trajnerin Zhoze Murinjo ka arritur në gradën e fundit. Mediat italiane flasin për një zënkë me tone të larta ndërmjet trajnerit dhe lojtarit në qendrën stërvitore të Pinetinas, madje të dielën, ndërmjet palëve për pak sa nuk pati kontakt fizik.

Por, episodi që la “SuperMarion” jashtë ekipit, vetëm dy orë përpara nisjes në Londër, ishte provokimi i 19-vjeçarit në stërvitjen e së hënës. Murinjo ia ka komunikuar vendimin e tij Moratit dhe Brankës, të cilët e kanë mbështetur.

Duket se sjellja e ditëve të fundit nga Baloteli ka nervozuar skuadrën dhe drejtuesin e stolit zikaltër. Klubi e ka cilësuar si provokim zgjedhjen e talentit të përfaqësueses U-21 italiane që të punësojë si menaxher Raiolën, njeriun që largoi Ibrahimoviç drejt Barcelonës.

Në kohën kur skuadra ishte e grumbulluar për sfidën me Katanian, ata të dy u fotografuan duke darkuar. Ndërsa të dielën në mëngjes, përplasja me teknikun portugez ka qenë e fortë: pas qortimeve të Murinjos, Baloteli është përgjigjur keq, ndërsa nuk munguan fjalët e ashpra.

Në fund për nga renditja është ngjarja e së hënës: sapo mbërriti në fushën stërvitore, Baloteli e ka tepruar me shakatë rreth faktit që Milani rihapi kampionatin, duke thënë “po ju kapim” (lojtari njihet si tifoz i Milanit). Madje, ka edhe nga ata që pretendojnë se Mario ka kënduar himnin e skuadrës kuqezi.

Kalendari

Ngjarjet e datës 7 tetor 2022 - Komisioni i posaçëm për shqyrtimin e kandidatëve për emërim në Gjykatën Kushtetuese shqyrton nominimet e kandidatëve për gjyqtar në Gjykatën Kushtetuese lidhur me përmbushjen e kushteve të parapara me Kushtetutë dhe Ligj. (Ndërtesa e Kuvendit, salla C301, ora 9:00)

- Ministria e Zhvillimit Rajonal dhe Caritas Zviceran në Kosovë lansojn thirrjen “Projektet Investuese të Diasporës” në kuadër të projektit “Veprimi i Komunave për Riintegrim dhe Diasporë – MARDI”. (Ndërtesën Qeverisë, salla P38, ora 9:30)

 - Kuvendi i Republikës së Kosovës mban seancë plenare. (Kuvendi i Kosovës, ora 10:00)

- Kryetari i Komisionit për Punë të Jashtme dhe Diasporë, Haki Abazi mban konferencë për medie lidhur me qëndrimet dhe vlerësimet për proceset e rëndësishme nëpër të cilat po kalon vendi. (Holli i Kuvendit të Kosovë, ora 10:00)

- Rrjeti i Grave të Kosovës dhe Fondi i Kombeve të Bashkuara për Popullsinë publikojnë përmbledhjen e politikave 'Dispozitat për koston e lejes së lindjes, atësisë dhe pushimit prindëror në Ligjin e Punës', të shkruar nga Dita Dobranja në emër të RrGK-së. (Hotel Sirus, ora 10:00)

- OJQ Aktiv organizon prezantimin e “Udhëzuesin për verifikimin bazë të informacionit mediatic” i cili është i dedikuar kryesisht për komunitetin serb të Kosovës. (Qendra e Energjisë Qytetare në Mitovicën e Veriut, ora 11:00)

- Sekretari Gjeneral i FIBA Andreas Zagklis takohet me Ministrin e Kulturës, Rinisë dhe Sportit të Kosovës, Hajrulla Çeku. (Ndërtesa e Ministrisë së Kulturës, ora 11:00)