24 Shtator 2021

Manchecter City shpenzoi gjysmë miliardi euro për mbrojtje

Manchester, 3 tetor - Gjiganti anglez Manchester City ka paguar të paktën gjysmë miliardi euro për të përforcuar mbrojtjen e ekipit të saj që nga viti 2016 gjatë epokës së menaxherit spanjoll Pep Guardiola.

Në pronësi të City Football Group (CFG), Manchester City shpenzoi 509,1 milionë euro (596,4 milionë dollarë) për të sjellur 11 lojtarë, përfshirë nëntë mbrojtës dhe dy portierë në katër vitet e fundit.

Manchester City iu shit investitorëve të Emirateve të Bashkuara Arabe në vitin 2008. Grupi United Abu Dhabi filloi një projekt për ta bërë ekipin një nga klubet më të mira të futbollit në Evropë dhe në botë.

CFG u themelua në vitin 2014 pasi Abu Dhabi United Group kishte shumicën e aksioneve.

Grupi financohet nga manjatët e Emirateve, Mansour bin Zayed Al Nahyan, shpesh i referuar si "Sheikh Mansour", dhe sipërmarrësi Khaldoon Al Mubarak, i cili administron klube në Britani, SHBA, Australi, Uruguaj, Indi, Spanjë dhe Belgjikë.

Klubi kryesor të cilin mbajnë është Manchester City.

Skuadra u forcua financiarisht pas marrjes nga EBA dhe u bë një gjigant në futbollin evropian.

Klubi pagoi 68 milion euro për të sjellur Dias nga Benfica

Manchester City i udhëhequr nga Guardiola nuk heziton të paguajë shuma të mëdha parash për mbrojtësit dhe portierët.

Këtë javë, ai nënshkroi me mbrojtësin qendror portugezin 23-vjeçar Ruben Dias nga ekipi portugez Benfica.

Klubi anglez i pagoi 68 milionë euro (79,6 milionë dollarë) Benfica-s për transferimin, sipas faqes gjermane të statistikave "Transfermarkt".

Në vitin 2019, klubi bleu mbrojtësin e djathtë portugez Joao Cancelo nga klubi italian Juventus për një tarifë prej 65 milionë eurosh (76,1 milionë dollarë).

Manchester City forcoi mbrojtjen e tij me qendërmbrojtësin francez Aymeric Laporte në vitin 2018, për një çmim prej 65 milionë euro që i pagoi Athletic Bilbao-s të Spanjës.

Gjithashtu, edhe portieri brazilian Ederson Santana de Moraes ishte një nga transferimet e bujshme kur iu bashkua City-t në vitin 2017. Manchester City pagoi 40 milionë euro (46,8 milionë dollarë) për të nënshkruar me Ederson nga Benfica.

Man City sundon Anglinë në drejtimin e Guardiola

Gjatë epokës së Guardiola-s, klubi dominoi Anglinë, duke fituar tituj të Premierligës në vitin 2018 dhe 2019.

Për më tepër, Manchester City fitoi Kupën FA në vitin 2019 dhe Kupën e Ligës Angleze (EFL) në vitin 2018, 2019 dhe 2020.

Klubi kryesoi në garat angleze për katër vitet e fundit, por ende nuk ka fituar titullin e nivelit më të lartë të Evropës, Ligën e Kampionëve të UEFA-së.

Arritja më e madhe e Manchester City-t në Ligën e Kampionëve ishte gjysmëfinaja në vitin 2015-16 me menaxherin kilian Manuel Pellegrini.

Klubi angazhoi Guardiola-n pas largimit të Pellegrinit në verën e vitit 2016.

Në sezonin e tij të parë, ekipi u eliminua nga Liga e Kampionëve në raundin e 16 skuadrave.

Më pas, arriti deri në çerekfinalet e Ligës së Kampionëve në vitet 2018, 2019 dhe 2020, ndërsa në një mënyrë, dështimet në çerekfinale u bënë zakon për klubin.

Kalendari

Ngjarjet e datës 24 Shtator 2021 - Komisioni për Integrim Evropian shqyrton Programin Kombëtar për zbatimin e Marrëveshjes së Stabilizim- Asociimit 2021-2025, i ftuar Besnik Bislimi, zëvendëskryeministër i parë për Integrim Evropian, Zhvillim dhe Dialog. (Ndërtesa e Kuvendit, salla N204, ora 9:00)    

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione rishqyrton planin e punës për sesionin vjeshtor 2021. (Ndërtesa e Kuvendit, salla N302, ora 10:00)

- Kandidatit të PDK-së për komunën e Prizrenit, Shaqir Totaj viziton KF “Liria”  dhe me pas KF “Prizreni” . (Stadiumi i Prizrenit, ora 10:30)

- Kandidati për Kryetar të Prishtinës, Uran Ismaili do të mbaj sot konferencë për media. (Te Deponia Ilegale e mbeturinave, afër Tauk Bahçes, ora 14:00 - mediat i presim në udhëkryqin e Tauk Bahçes, te rruga e Bledit, nga ora 13:40)

- Kandidati për kryetar të Komunës së Malishevës, Ekrem Kastrati, sot mban takim elektorale me strukturat e rinisë së degës së Nismës në Malishevë. (Stadiumi “Liman Gegaj” në Malishevë, ora 14:00)

 - Kandidatit të PDK-së për komunën e Prizrenit, Shaqir Totaj bashkë me Kryetarin e PDK-së, Memli Krasniqi viziton Bashkësinë Islame në Prizren. (Prizren, ora 14:15)

 - Kandidatit të PDK-së për komunën e Prizrenit, Shaqir Totaj shpalos programit për arsim. (Qendra Europa, në Plato, ora 16:00)

- Mbahet dita e dytë e Kongresit të Parë Klinik i Kolegjit te Kirurgëve të Kosovës organizuar në bashkëpunim me Odën e Mjekëve të Kosovës. (Hotel Emerald, ora 17:00)