22 Tetor 2021

Kryetari Jashari, përuron poligonin sportiv në Qirez

Prishtinë, 1 tetor - Kryetari i Komunës së Skenderajt, Bekim Jashari, ka bërë përurimin e poligonit sportiv në oborrin e shkollës fillore “Dëshmorët e Qyqavicës”, në fshatin Qirez.

Me rastin e përurimit të këtij poligoni, Kryetari Jashari uroi nxënësit për përfundimin e këtij projekti, i cili do shërbejë për gjithë të rinjtë e kësaj bashkësie lokale.

“Ky poligon përveç nxënësve do të jetë në shërbim edhe të të rinjve të kësaj bashkësie lokale. Në Qirez, krahas poligonit sportiv, kemi ndërtuar edhe shkollën moderne, shumë rrugë që kishin mbetur me vite të tëra pa u trajtuar, kanalizim, trotuar e ndriçim publik, përkrahje me grante për fermerët e projekte tjera. Vitin që vjen, ashtu siç kam deklaruar me parë, do të fillojmë me realizimin e radhës të kësaj bashkësie lokale, ndërtimin e rrjetit të ujësjellësit, i cili do të përfundojë brenda një viti”, tha Jashari.

Jashari po ashtu porositi të gjithë nxënësit që në këtë kohë pandemie të respektojnë masat dhe vendimet e institucioneve përkatëse, duke mbajtur maskat dhe duke ruajtur distancën, në mënyrë që të ruajnë shëndetit e tyre qytetarë.

“Kërkoj një kujdes të veçantë nga ju nxënës të dashur, t’i respektoni masat për shkak të virusit Covid-19, sepse shëndeti juaj është mbi të gjitha”, tha Jashari.

Kurse drejtori i shkollës fillore “Dëshmorët e Qyqavices”, Avdi Jakupi u shpreh mirënjohës ndaj komunës dhe Kryetarit Jashari për përfundimin e  këtij projekti të domosdoshëm për të rinjtë e këtij fshati.

Kalendari

Ngjarjet e datës 22 Tetor 2021

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me shoqaten e Familjeve të Heronjve dhe Dëshmorëve të Kombit për zgjidhjen e statusit të veprimtarëve invalidëve të plagosur para luftës çlirimtare në Kosovë. (Ndërtesa e Kuvendit, salla N10, ora 10:00)

- Shoqata për Teknologji të Informacionit dhe Komunikimit të Kosovës - STIKK organizon edicionin e 10-të të festivalit të teknologjisë “KosICT”. (Ambientet e “ITP Park” në Prizren, ora 10:00)

- Instituti Demokratik i Kosovës organizon konferencën “Ndikimi i dialogut me Serbinë në politikën e jashtme të Kosovës”. (Hotel Emerald, ora 10:30)

-  Komisioni Ad hoc për përzgjedhjen e kandidatëve për anëtar të Bordit të RTK-së shqyrton listën e kandidatëve të propozuar për anëtarë të Bordit të RTK-së. (Ndërtesa e Kuvendit, salla C203, ora 11:00)

- Ministria e Mbrojtjës organizon ceremoninë e betimit të rekrutëve të rijnë. (Kazerma e FSK-së “Skënderbeu” në Ferizaj, ora 11:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit miraton listën e ngushtë të kandidatëve për Drejtor të Agjencisë Kundër Korrupsionit. (Ndërtesa e Kuvendit, salla N204, ora 14:00)

- Nën patronatin e Presidentes së Republikës së Kosovës, Vjosa Osmani- Sadriu, organizohet premiera e filmit "Zgjoi". (Cineplexx -Albi Mall, ora 18:00)

- Mbahet edicioni i trtë i festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, Rruga Xheladin Hana nr. 98, ora 18:30)