05 Tetor 2022

Kreshnik Mahmuti dhe Hanife Zeqiri kampion te turneut për Ditën e Pavarësisë

Prishtinë, 21 shkurt - Sot në palestrën e shkollës fillore Tefik Çanga në Ferizaj u organizua turneu i seniorve për Ditën e pavarësisë, e që ishte edhe gara e parë e FPPK-së për vitin 2021, e cila u organizua në sistem të mbyllur për të respektuar masat anti covid19.

Në kategorinë e femrave ishin të ftuara 16 sportistet e para të ranglistës. Në gjysmëfinalen e parë Linda Zeqiri kësaj radhe ishte më e mirë se Shega Hashani, e cila konsiderohet si shpresë e pingpongut femëror, duke fituar me rezultat 3:0.

Në gjysmëfinalen e dytë u takuan Hanife Zeqiri dhe Alma Mehmeti, dy bashkë lojtare nga klubi i Dritës, pas pesë setash triumfoi Hanifja me rezultat 3:2. Në finalen e dy motrave Zeqiri triumfoi Hanifja me rezultat 3:0.

Në kategorinë e meshkujve ishin të ftuar 32 sportistët e parë të ranglistës, ku kishte mjaft ndeshje interesante dhe të forta. Befasia e këtij turneu ishte humbje e Fatih Karabaxhakut në xhiron e dytë nga Besart Domaniku si dhe Blendi Hajdarit nga Eroll Boshnjaku.

Në gjysmëfinalen e parë Kreshnik Mahmuti fitoj ndaj Eroll Boshnjakut me 3:0, e në gjysmëfinalen e dytë Milot Makolli fitoi 3:0 ndaj Veton Gotës i cili kishte fituar me 3:0 ndaj Besart Domanikut. Në finale Kreshniku nuk lejoj befasi duke fituar me 3:0 ndaj Milotit, e kështu vazhdoj serinë e fitoreve nga vitit 2020.

Për fituesit në të dy kategoritë u ndan kupa dhe medalje nga përfaqësuesit e FPPK, e gjithashtu Komiteti i gjyqtarëve dhe Arbitrave ndau certifikatat për 6 Gjyqtarët e rinj të cilët e kaluan provimin për gjyqtar kombëtar në vitin 2020.

Kalendari

Ngjarjet e datës 5 tetor 2022

- Komisioni për Buxhet, Punë dhe Transfere shqyrton Projektligjin për ratifikimin e Marrëveshjes së Financimit në mes të Republikës së Kosovës përfaqësuar nga Ministria e Financave, Punës dhe Transfereve dhe Asociacionit Ndërkombëtar për Zhvillim për “Projektin e Reformës së Sistemit të Ndihmës Sociale në Kosovë”. (Ndërtesa e Kuvendit, salla C203, ora 10:00)

- Shefi i futbollit në UEFA, Zvonimir Boban takohet me Ministrin e Kulturës, Rinisë dhe Sportit Hajrulla Çeku. (Ndërtesa e Ministrisë, ora 10:00)

- Avokati i Popullit organizon dëgjim publik përkitazi me hetimin e përgjithshëm për shëndetin riprodhues në Gjilan. (Salla e Kuvendit të Komunës së Gjilanit, ora 10:00)

- Shefi i futbollit në UEFA, Zvonimir Boban takohet me kryetarin e Komunës së Prishtinës Përparim Rama. (Ndërtesa e Komunës, ora 10:45)

- Aleanca Kosovare e Bizneseve pret sekretaren e ambasadës së Malit të Zi, Fedisa Dacić ku edhe do të mbahet konferenca për media lidhur me Forumin Ekonomik Ndërkombëtar Ulqini. (Objekti i AKB-së, ora 11:00)

- Shefi i futbollit në UEFA, Zvonimir Boban takohet me Komitetin Ekzekutiv të Federatës së Futbollit të Kosovës. (Selia e FFK-së, ora 11:30)

- Komisioni për Shëndetësi dhe Mirëqenie Sociale shqyrton në parim Projektligjin për faljen e masave ndëshkimore të vendosura gjatë periudhës së Pandemisë COVID-19. (Ndërtesa e Kuvendit, salla N10, ora 11:30)

- Agjencia Kosovare e Privatizimit organizon ceremoninë e hapjes së ofertave të shitjeve të aseteve përmes likuidimit nr. SHAL 59. (Hotel Grand, ora 12:30)

- Zëvendëskryeministri i parë për Integrim Evropian, Zhvillim dhe Dialog, Besnik Bislimi raporton para Komisionit për Integrime Evropiane. (Ndërtesa e Kuvendit, salla N302, ora 13:00)

- Komuna e Gjilanit organizon mbledhje komemorative për të nderuar jetën dhe veprën e prof. dr. Shqiponja Isufit. (Salla e teatrit të qytetit të Gjilanit, ora 13:00)

-  Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike bën zgjedhjen e eksperteve. (Ndërtesa e Kuvendit, salla C203, ora 14:00)

- Shefi i futbollit në UEFA, Zvonimir Boban mban konferencë për media. (Stadiumi “Fadil Vokrri”, ora 15:00)

- Zhvillohet ndeshja Kosovë - Itali në kuadër të Kualifikimeve e Evropianit U17. (Stadiumi “Fadil Vokrri”, ora 16:00)