27 Shtator 2022

Inaugurohen dy fusha sportive në Prishtinë

Prishtinë, 25 janar - Kryeministri në detyrë i Republikës së Kosovës, Avdullah Hoti, mori pjesë në inaugurimin e dy projekteve të MKRS-së.

Në inaugurimin e shtrimit të fushës ndihmëse dhe barit sintetik, në stadiumin e Klubit të Futbollit ‘’2 Korriku’, projekt në vlerë prej 48 mijë e 386 euro e 90 cent, si dhe në inaugurimin e drenazhimit dhe vendosjes së barit sintetik, në stadiumin e Klubit të Futbollit ‘’Ramiz Sadiku’’  në kryeqytet,  projekt ky në vlerë prej 198 mijë e 549 euro.

Kryeministri Hoti, tha se ngadalë po rrumbullakohet infrastruktura sportive me shumë fusha dhe salla gjithandej nëpër Kosovë, për t’ua bërë të mundur të rinjve dhe të rejave që të zhvillojnë talentet e tyre.

“Këtë vit kemi edhe dy projekte të rëndësishme për Prishtinën në veçanti, siç është zgjerimi i Stadiumit “Fadil Vokrri” dhe fushat e tenisit në kompleksin në Taukbahqe, që ndihmojnë jashtëzakonisht shumë për të zhvilluar sportin dhe për të rrit pjesëmarrjen e komunitetit  në aktivitete sportive”, tha kryeministri Hoti.

Në këto aktivitete kryeministri Hoti shoqërohej nga ministrja e Kulturës, Rinisë dhe Sportit, Vlora Dumoshi dhe kryetari i Federatës së Futbollit të Kosovës, Agim Ademi.

 

Kalendari

Ngjarjet e datës 27 shtator 2022

 - Ministria e Mbrojtjes dhe FSK organizon Konferencën Vjetore Ndërkombëtare “FSK dhe partnerët 2022”. (Hotel Emerald, ora 9:00)

- Shoqata e Grave në Sektorin e Energjisë së Kosovës me përkrahjen e zyres se Presidentes dhe parnerëve ndërkombëtar organizon Konferencën e parë Rajonale “Energjia & Gratë”. (Hotel Emerald, ora 9:00)

- Komisioni për Çështje të Sigurisë dhe Mbrojtjes shqyrton Projektligjin për Sigurinë Kibernetike, Projektligjin për Mbrojtjen e Informacionit të Klasifikuar, etj. (Ndërtesa e Kuvendit, salla C203, ora 10:00)

 - Koalicioni 27, grupi i organizatave të shoqërisë civile publikojnë raportin “Shkatërrimi ekologjik – Koha të veprojmë”. (Hotel Swiss Diamond, ora 10:00)

- Me rastin e Ditës Ndërkombëtare për Lirinë e Informimit, Agjencia për Informim dhe Privatësi mban konferencë kryetarët e Gjykatave si dhe Prokurorët e Prokurorive të Republikës së Kosovës. (Hotel Emerald, ora 10:15)

- Ministria e Industrisë, Ndërmarrësisë dhe Tregtisë shënon Ditën Botërore të Turizmit, në bashkëpunim me Unionin e Turizmit të Kosovës dhe me përkrahjen e Projektit për Zhvillimin e Sektorit Privat (PPSE). (Parku Arkeologjik Ulpiana, ora 11:00)

-  Komisioni për Ekonomi, Industri, Ndërmarrësi dhe Tregti diskuton mbikëqyrjen e zbatimit të Rekomandimeve të Kuvendit lidhur me auditimin e performances të ndërmarrjes publike KOSTT SH.A. (Ndërtesa e Kuvendit, salla N10, ora 11:00)

- Këshilli i Prindërve të Shkollës Fillore të Mesme të Ulët “Naim Frashëri”, Prishtinë organizon një protestë për të shprehur shqetësimet lidhur me prolongimin e fillimit të mësimit për vitin akademik 2022/2023. (Shkolla fillore "Naim Frashëri" në Prishtinë, ora 12:10)

- Lidhja Demokratike e Kosovës mban konferencë për medie lidhur me grevën në sektorin publik. (Selia qendrore e LDK-së, ora 11:00)

- Instituti Demokraci për Zhvillim organizon sallonin e radhes me temë “Dhuna online ndaj grave në politikë: Çfarë masa mund të ndërmarrim?”. (Libraria Dukagjini, ora 17:00)

- KFOR i udhëhequr nga NATO do të zhvillojë stërvitjen “Golden Sabre”. (Zona stërvitore të Camp Novo Selo)