27 Shtator 2022

Gomez prezantohet te Sevilla

Madrid, 29 Janar - Pas një periudhe të vështirë te Atalanta gjatë dy muajve të fundit, për shkak të një debati me trajnerin Gian Piero Gasperini, fantazisti argjentinas Papu Gomez u transferua në kampionatin spanjoll te Sevilla, ku edhe bëri prezantimin zyrtar pasditen e sotme.

Papu Gomez tha se ndihet mjaft i lumtur që do të veshë fanellën e Sevillas dhe më pas solli në vëmendje faktin që në klubin andaluzian kanë luajtur shumë argjentinas, përfshi edhe legjendën Diego Armando Maradona.

“Kam folur me shumë djem dhe të gjithë më kanë folur shumë mirë për qytetin këtu. Për më tepër, Sevilla ka pasur një histori mjaft të mirë me argjentinasit, pasi kanë luajtur shumë futbollistë. Jam shumë i lumtur që do të vesh fanellën e klubit me të cilin ka luajtur Maradona. Më mungon pak ritmi i ndeshjeve, por jam në gjendje të mirë fizike dhe dua të jap kontributin tim për skuadrën”, deklaroi Papu Gomez.

Në prezantimin e fantazistit argjentinas, ishte edhe trajneri i Sevillas Julen Lopetegui, i cili paralajmëroi ish kapitenin e Atalantës se e pret një konkurrencë e fortë dhe se do t’i duhet të djersijë shumë për të fituar vendin në formacion.

“Është një futbollist që më pëlqen shumë, por që këtu do të përballet me sfidën më të vështirë të karrierës. Vjen për të ndihmuar një skuadër që po bën shumë mirë deri tani, ndaj shokët e rinj nuk do t’ia bëjnë jetën të lehtë, sa i përket garës për një vend në formacion”, u shpreh trajneri spanjoll.

Kalendari

Ngjarjet e datës 27 shtator 2022

 - Ministria e Mbrojtjes dhe FSK organizon Konferencën Vjetore Ndërkombëtare “FSK dhe partnerët 2022”. (Hotel Emerald, ora 9:00)

- Shoqata e Grave në Sektorin e Energjisë së Kosovës me përkrahjen e zyres se Presidentes dhe parnerëve ndërkombëtar organizon Konferencën e parë Rajonale “Energjia & Gratë”. (Hotel Emerald, ora 9:00)

- Komisioni për Çështje të Sigurisë dhe Mbrojtjes shqyrton Projektligjin për Sigurinë Kibernetike, Projektligjin për Mbrojtjen e Informacionit të Klasifikuar, etj. (Ndërtesa e Kuvendit, salla C203, ora 10:00)

 - Koalicioni 27, grupi i organizatave të shoqërisë civile publikojnë raportin “Shkatërrimi ekologjik – Koha të veprojmë”. (Hotel Swiss Diamond, ora 10:00)

- Me rastin e Ditës Ndërkombëtare për Lirinë e Informimit, Agjencia për Informim dhe Privatësi mban konferencë kryetarët e Gjykatave si dhe Prokurorët e Prokurorive të Republikës së Kosovës. (Hotel Emerald, ora 10:15)

- Ministria e Industrisë, Ndërmarrësisë dhe Tregtisë shënon Ditën Botërore të Turizmit, në bashkëpunim me Unionin e Turizmit të Kosovës dhe me përkrahjen e Projektit për Zhvillimin e Sektorit Privat (PPSE). (Parku Arkeologjik Ulpiana, ora 11:00)

-  Komisioni për Ekonomi, Industri, Ndërmarrësi dhe Tregti diskuton mbikëqyrjen e zbatimit të Rekomandimeve të Kuvendit lidhur me auditimin e performances të ndërmarrjes publike KOSTT SH.A. (Ndërtesa e Kuvendit, salla N10, ora 11:00)

- Këshilli i Prindërve të Shkollës Fillore të Mesme të Ulët “Naim Frashëri”, Prishtinë organizon një protestë për të shprehur shqetësimet lidhur me prolongimin e fillimit të mësimit për vitin akademik 2022/2023. (Shkolla fillore "Naim Frashëri" në Prishtinë, ora 12:10)

- Lidhja Demokratike e Kosovës mban konferencë për medie lidhur me grevën në sektorin publik. (Selia qendrore e LDK-së, ora 11:00)

- Instituti Demokraci për Zhvillim organizon sallonin e radhes me temë “Dhuna online ndaj grave në politikë: Çfarë masa mund të ndërmarrim?”. (Libraria Dukagjini, ora 17:00)

- KFOR i udhëhequr nga NATO do të zhvillojë stërvitjen “Golden Sabre”. (Zona stërvitore të Camp Novo Selo)