01 Shkurt 2023

Blatter pezullohet nga futbolli për 6 vjet e tetë muaj

Gjenevë, 24 mars - Ish-presidenti i Federatës Botërore të Futbollit (FIFA), Sepp Blatter është pezulluar nga futbolli për 6 vite e tetë muaj për shkak të keqpërdorimit të pozitës.

Sipas vendimit të Komitetit të Etikës së FIFA-s, Blatter u gjobit me një milion franga zvicerane (903 mijë euro) dhe iu shqiptua dënimi që të mos merret me futboll për 6 vjet e tetë muaj.

Përveç kësaj, Jerome Valcke, i cili ishte sekretari i përgjithshëm i FIFA-s gjatë mandatit të Blatter, gjithashtu mori të njëjtën dënim.

FIFA informoi Blatter dhe Valcke për vendimet e marra. Megjithatë, që vendimet të jenë të zbatueshme, dënimet e mëparshme për parregullsi nga dy ish-udhëheqësit duhet të plotësohen.

Prandaj, dënimi për Blatter do të hyjë në fuqi pas tetorit të vitit 2021 ndërsa për Valcke pas tetorit të vitit 2025.

Kalendari

Ngjarjet e datës 1 shkurt 2023

- Ndërmarrja Publike Banesore, qiramarrësit, punëtorët e lokaleve dhe qytetarë të tjerë protestojnë për rritjen e çmimit të qirasë për lokalet në Prishtinë.  (Komuna e vjetër e Prishtinës, ora 9:00)

- Komisioni për të Drejtat dhe Interesat e Komuniteteve dhe Kthim, formon grupin punues për hartimin e planit të punës së komisionit për vitin 2023. (Kuvendi i Kosovës, salla N302, ora 9:30)
 
- Auditorja e Përgjithshme, Vlora Spanca do të shpalos gjetjet dhe rekomandimet e raporteve të auditimit: “Të hyrat nga qiraja në Agjencinë Kosovare të Privatizimit për periudhën 2012-2021”, si dhe “Funksionimi i sistemit të Grantit të Performancës Komunale dhe menaxhimi i projekteve të financuara nga donatorët për vitin 2021”. (Ambientet e Zyrës Kombëtare të Auditimit, ora 11:00)

- Komisioni për të Drejtat dhe Interesat e Komuniteteve dhe Kthim, formon grupin punues për hartimin e planit të punës së komisionit për vitin 2023. (Kuvendi i Kosovës, salla N302, ora 11:30)

- Kuvendi i Republikës së Kosovës vazhdon seancën plenare. (Kuvendi i Kosovës, ora 12:00)