17 Maj 2021

Al-Khelaifi emërohet president i ri i Shoqatës Evropiane të Klubeve

Paris, 23 prill - Kreu i Paris Saint-Germain (PSG) Nasser Al-Khelaifi u emërua për president të ri të Shoqatës Evropiane të Klubeve (ECA).

"Bordi ekzekutiv i ECA-s ka emëruar sot Nasser Al-Khelaifi si president të ri të ECA-s", thuhet në deklaratën e shoqatës.

ECA është një organ futbolli me qendër në Zvicër, i cili u themelua në vitin 2008 për të mbrojtur interesat e klubeve profesionale të futbollit në Evropë.

Ajo numëron 234 klube anëtare nga 55 federata anëtare të UEFA-s në sezonin 2020-2021.

Biznesmeni nga Katari, Al-Khelaifi zëvendësoi presidentin e Juventusit, Andrea Agnelli, i cili u largua nga posti i lartë i ECA-së pasi Juventusi u bashkua me 11 klube të tjera, përfshirë Real Madridin dhe Barcelonën për të krijuar Superligën Evropiane të dielën.

Juventusi ishte ndër 12 klubet themeluese të Superligës.

Superliga dështoi të mërkurën për shkak se shumica e klubeve themeluese u tërhoqën nga projekti pasi ishin nën presion nga Kongresi i UEFA-s të martën.

UEFA të martën u bëri thirrje klubeve të shkëputura që të korrigjojnë gabimin e tyre. Para kësaj, 12 klubet evropiane të futbollit deklaruan themelimin e Superligës Evropiane, një kompeticion alternativ në mes të javës që UEFA dhe federatat e saj anëtare nuk e njohën.

Gjatë kongresit, presidenti i UEFA-s, Aleksander Çeferin u bëri thirrje klubeve të korrigjonin "gabimin e tyre të madh".

E përditshmja sportive franceze "L'Equipe" të martën shkroi se gjiganti francez Paris Saint-Germain dhe gjiganti gjermanBayern Mynih ishin besnikë ndaj Ligës së Kampionëve të UEFA-s, pasi refuzuan të bashkohen në ligën e shkëputur.

Kalendari

Ngjarjet e datës 17 Maj 2021

- Ministria e Mjedisit, Planifikimit Hapësinor dhe Infrastrukturës organizojnë javën e gjashtë Globale e Sigurisë Rrugore. (Pallati i Rinisë dhe Sporteve, para New Born, ora 10:00)

- Mbahet seanca gjyqësore kundër të pandehures Dragana Janiçeviç për Kultivimi i bimës së hashashit, shkurres së kokainës ose bimëve të kanabisit. (Gjykata Themelore në Ferizaj, ora 10:00)

- Kuvendi i Kosovës mban seancë të jashtëzakonshme në të cilën do të diskutohet prezantimi i Programit të Qeverisë së Republikës së Kosovës për vitet 2021-2025. (Kuvendi i Kosovës, ora 10:00)

- Kryetari i Komunës së Prizrenit, Mytaher Haskuka do të vizitojë Shërbimin e Urgjencës, i cili është furnizuar me dy autoambulanca të reja. (Shërbimi i Urgjencës në Prizren, ora 10:30)

- Mbahet seanca gjyqësore kundër të pandehurit Visar Krasniqi për Keqpërdorimi dhe mashtrimi ne prokurorimin publik. (Gjykata Themelore në Ferizaj, ora 11:00)

- Rrjeti i OJQ-ve Avonet mban konferencë për media në të cilën do të prezantoj projektin “Hapësirat e gjelbëra dhe shtatorja e Presidentit të Shteteve të Bashkuara të Amerikës Joe Biden”. (Objekti e Galerisë, ish-objekti i TMK-së, rruga “Ramadan Rexhepi” Ferizaj, ora 11:00)  

- Universiteti i Shkencave të Aplikuara në Ferizaj organizon aktivitetin 3 ditor “Open Doors”, për të rinjtë e Kosovës dhe më gjerë, të cilët ende nuk kanë bërë zgjedhjen e profesionit të tyre. (Objekti i Universitetit, ora 11:00)

- Organizata Kosovo Center for Peace mban konferencë për medie në lidhje me raportin e Departamentit Amerikan. (Xhamia “Bedri Kamberi” në Prishtinë, ora 11:00)

- Kolektivi për Mendim dhe Veprim Feminist do të mbajë protestë kundrejt neglizhimit të sigurisë së vajzave dhe mungesën e politikave të mirëfillta të edukimit, të cilat janë duke e mirëmbajtur patriarkalitetin i cili po rezulton të jetë i dhunshëm për vajzat brenda dhe jashtë institucioneve shkollore. (Pranë Ministrisë së Ministrisë së Arsimit, Shkencës, Teknologjisë dhe Inovacionit, ora 12:00)

- BIRN dhe Internews Kosova mbajn konferencë në të cilën do të prezantohet Raporti “Përkëdhelja e korrupsionit” i cili ka në fokus analizimin e politikës ndëshkimore në rastet e korrupsionit të shqiptuara nga gjykatat e Kosovës gjatë vitit 2020 dhe gjithashtu analizimin e përformancës së gjyqësorit në trajtimin rasteve të korrupsionit. (Pallati i Drejtësisë, Objekti A, Salla e Konferencave, ora 13:00)

- Mbahet mbledhja e Kryesisë së Kuvendit në të cilën do të shqyrtohet kërkesa për interpelancë me ministrin e Ministrisë së Financave, Punës dhe Transfereve, Hekuran Murati në lidhje me “Uljen e shtesave të pensionistëve, stafit shëndetësor dhe institucioneve të sigurisë”. (Ndërtesa e Kuvendit, salla C 301, ora 13:00)

- Nën organizimin e Drejtorisë së Administratës, do të mbahet dëgjimi publik për “Draft-Rregulloren për Organizimin dhe Bashkëpunimin e Komunës me fshatrat, Vendbanimet dhe Lagjet Urbane në territorin e Komunës së Prizrenit”. (Salla e mbledhjeve të Kuvendit Komunal në Shtëpi të Bardhë, ora 13:00)  

 

- Drejtori I Përgjithshëm mbajn një Konferencë për shtyp. (Drejtoria e Doganës, Prishtinë, ora 18:00)