24 Korrik 2021

Aguero është futbollisti më i ri i Barcelonës

Barcelonë, 1 qershor - Sergio Aguero është futbollisti më i ri i Barcelonës. Sulmuesi argjentinas ka firmosur për dy sezone me klubin blaugrana dhe do të përfitojë një pagë prej 5 milionë eurosh neto në vit.

Lajmin e dha vetë klubi katalan në rrjetet sociale, ku postoi një foto të sulmuesit argjentinas me fanellën e Barcelonës, teksa zbulohet se në kontratë është parashikuar edhe një klauzolë prishjeje prej 100 milionë eurosh.

Sulmuesit 33-vjeçar i përfundoi kontrata me Manchester City-n, pas 10 sezonesh në klubin britanik dhe drejtuesit e “citizens” nuk i ofruan një marrëveshje të re, ndaj u transferua te Barcelona me parametra zero.

El Khun rikthehet në kampionatin spanjoll pas 10 sezonesh, duke qenë se më herët ka veshur fanellën e Atleticos së Madridit, ku edhe spikati para se të transferohej te Manchester City, ndërsa tani do të ketë mundësi të luajë në krah të shokut të tij te kombëtarja argjentinase, Lionel Messit.

Gjatë 10 viteve te Manchester City, Aguero numëron 390 ndeshje dhe 260 gola të shënuar, ndërsa drejtuesit e “citizens” kanë premtuar se argjentinasit, David Silvës dhe belgut Kompany do t’u ndërtojnë një përmendore në ambientet e jashtme të stadiumit “Etihad”.

Kalendari

Ngjarjet e datës 24 Korrik 2021

- Demokracia në Veprim mban konferencën për media, ku do të publikohet një vlerësim ex-ante i zgjedhjeve lokale të 17 tetorit 2021, që do të shërbej si dokument avokues për t’a avancuar procesin zgjedhor të 17 tetorit.  (Zyrat e KDI-së, ora 11:00)  

- Kandidati për kryetar të komunës së Pejës, Rrustem Berisha, mban konferencë për medie. (Në qendër të qytetit në Pejë, para Selisë së AAK-së, ora 12:00)

- Në kuadër të aktiviteteve “Ditët e Kulturës dhe Turizmit në Deçan” hapet panairi veror në qendër të qytetit, ku do të marrin pjesë me prezantimin e produkteve të tyre një pjesë e madhe e qyteteve të Kosovës po ashtu komunat: Ulqin , Shkodër , Bajram Curri etj. (Qendra e qytetit te Deçanit, ora 16:00)