27 Nëntor 2022

Xhabir Zharku u dënua me tri vite burgim

Prishtinë, 21 prill - Sot, në Gjykatën e Qarkut në Pristhinë, trupi gjykues i përzier me dy gjykatës të EULEX-it dhe një vendas e shpalli fajtor Kryetarin e Kaçanikut Xhabir Zharku për kryerje të veprës së zhvatjes dhe armëmbajtje pa leje.

Ai u dënua me tri vite burgim për kryerje të veprës së zhvatjes si dhe ju shqiptua gjoba prej 1,500 Euro për akuzën e armëmbajtjes pa leje.

Tre të pandehurit tjerë Arsim Kolshi, Besnik Hasani dhe Nusret Cena, po ashtu, u shpallën fajtorë për kryerje të veprës së zhvatjes.

Arsim Kolshi u dënua me tri vite burgim për kryerje të veprës së zhvatjes dhe ju shqiptua gjoba prej 1,500 Euro për armëmbajtje pa leje.

Besnik Hasani u dënua me një vit e dy muaj burgim, si dhe Nusret Cena u dënua me një vit e dy muaj burgim.

Trupi gjykues i ka shfajësuar të pandehurit nga akuza për kërcënim.

Prokuroria u përfaqësua nga prokurori i EULEX-it prej Prokurorisë Speciale të Kosovës (PSRK). 

Kalendari

Ngjarjet e datës 27 nëntor 2022

- Në shënim të 110-vjetorit të Pavarësisë Shqipërisë do të mbahet mbledhje e përbashkët e Kuvendit të Republikës së Kosovës dhe Kuvendit të Republikës së Shqipërisë. (Kuvendi i Shqipërisë në Tiranë, ora 10:00)

- Me rastin e Ditës së Forcës, Ministria e Mbrojtjes dhe Forca e Sigurisë së Kosovës organizojnë “Ditën e Hapur’’ në të cilën do të marrin pjesë edhe udhëheqësit më të lartë shtetërorë, si dhe përfaqësuesit ushtarakë e diplomatikë të vendeve partnere. (Kazerma “Adem Jashari”, ora 12:00)