30 Janar 2023

Vrasjet në Bruksel, autori dyshohet të jetë shqiptar

Bruksel, 3 qershor - Një gjykatëse dhe një kancelar në Bruksel janë vrarë me armë zjarri nga një person që dyshohet të jetë shtetas shqiptar, i cili është hakmarrë për vendimin e dhënë në dëm të tij disa ditë më parë.

Policia e Brukselit bën me dije se nuk e ka prangosur ende personin që ekzekutoi gjykatësen 61 vjecare në pallatin e drejtësisë. Lajmin e konfirmoi për televizionin Rtbf ministri i Drejtësisë, Stefaan De Clerck.

“Është hera e parë që ndodh një gjë e tillë dhe mund të them se është një dramë e vërtetë”, theksoi ministri. Sipas të dhënave, shqiptari ka goditur gjykatësen në një zyrë të ndërtesës dhe më pas është drejtuar nga lagjia “Martolles”.

Kjo ngjarje ka alarmuar autoritetet më të larta të Brukselit pasi në vendngjarje mbërriti kreu i policisë, Guido Van Wymersch e kreu i Gjykatës së Apelit, Antoon Boyen.

Autoritetet nuk kanë dhënë detaje por shtojnë se gjykatësja e ekzekutuar do dilte në pension pas pak kohësh. Ngjarja e rëndë ndodhi në orën 11:15 të paradites së sotme.   

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)