30 Janar 2023

Viktimat e dhunës dhe trafikimit, 180,000 dollarë

Prishtinë, 3 qershor - Organizata Ndërkombëtare për Migrim (IOM) Misioni në Kosovë, ka nënshkruar nënmarrëveshjen me tri organizata lokale joqeveritare që veprojnë në mbrojtjen e grave dhe fëmijëve viktima të dhunës në familje dhe trafikimit.

Programi i Kosovës Kundërtrafikim (KAP) i financuar nga USAID i, për vitin e dytë radhazi do të mbështesë me mbi 180,000 dollarë këto organizata në mënyrë që t\'u mundësojë atyre ofrimin e shërbimeve më të mira strehuese për viktimat e trafikimit.

Përveç zgjërimit të kapaciteteve strehuese, kjo ndihmë financiare do i?u mundësojë atyre ofrimin e formave të ndryshme të asistencës në rehabilitim dhe reintegrim siç janë kujdesi mjekësor, këshillime psiko sociale, aktivitete rekreative, trajnime profesionale dhe shërbime tjera të nevojshme.

Ky program është bërë i mundshëm falë ndihmës nga fondet e Agjencisë së Shteteve të Bashkuara për Zhvillim Ndërkombëtar (USAID) Misioni në Kosovë i cili implementohet nga IOM i, Misioni në Kosovë në partneritet me Akademinë për Zhvillimin Edukativ (AED).

Programi ofron përkrahje teknike dhe financiare, kujdes dhe rehabilitim për gra dhe fëmijë viktima të trafikimit. Programi gjithashtu vepron ngushtë me komunitetet lokale anembanë Kosovës që të ngrehë vetëdijën për rrezikun e trafikimit në mes të rinjëve dhe grupeve tjera në rrezik, duke lehtësuar qasjen e tyre tek shërbimet lokale që do të minimizojne dukshëm cënueshmërinë e tyre.

Programi i Kosovës Kundër Trafikim (KAP) vazhdon të veprojë në bashkëpunim të ngushtë me zyrën e Kordinatorit Nacional Anti Trafikim në Ministrinë e punëve të Brendëshme, me Ministrinë e Punës dhe Mirëqenies Sociale, zyrtarë kyç të ministrive si dhe me shoqërinë civile dhe komunitetet lokale, me qëllim që të zvoglojë incidentet e trafikimit të njerëzve në Kosovë. 

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)