30 Janar 2023

“Vetëvendosje”, më 10 qershor protestë në Prizren

Prishtinë, 2 qershor - Në mbrojtje të vlerave kombëtare e historike, aktivistët e lëvizjes “Vetëvendosje” njoftuan sot se më 10 qershor, në 132-vjetorin e Lidhjes Shqiptare të Prizrenit, do të organizojnë një demonstratë në sheshin “Shadërvan” në Prizren.

Siç theksuan në një konferencë shtypi, në këtë mënyrë kjo lëvizje do të kundërshtojë vendimin e Gjykatës Kushtetuese për ndryshimin e emblemës së qytetit të Prizrenit. “Vetëvendosje” thotë se ka hartuar një ofertë shoqërore, të cilën deri në datën e mbajtjes së protestës, do t'ia dorëzojnë partive politike dhe organizatave të tjera për të marrë mbështetje për protestën e tyre.

Me gjithë mosmarrëveshjet që kanë pasur me organizimin e protestës në Mitrovicë, aktivisti Glauk Konjufca tha se do t'i ftojnë edhe veteranët e luftës që të marrin pjesë në protestën e Prizrenit. Gjithashtu, “Vetëvendosje” kundërshtoi edhe sot çfarëdo bisedimesh me Serbinë, duke i cilësuar ato si të dëmshme për Kosovën. Madje, aktivistët e saj akuzojnë udhëheqësit politikë të Kosovës, për të cilët thonë se po e vendosin Kosovën në çfarëdo lloj negociatash.

"Nëse ata e quajnë teknike doganat dhe kufijtë e Kosovës, nëse ata e quajnë teknike ndërrimin e zinxhirit komandues vetëm për serbët lokalë të Kosovës, nëse ata e quajnë teknike çfarë gjyqësie të ndarë do të kenë serbët e Kosovës, atëherë kjo gjë nuk është teknike. Teknike mund ta quajnë ata, por, kjo gjë do të afektojë në mënyrë të drejtpërdrejtë dhe thelbësore sovranitetin e Kosovës dhe do të jetë një hap drejt krijimit të entitetit, siç e ka Republika Srpska në Bosnje", tha Konjufca. 

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)