28 Nëntor 2021

U inaugurua objekti i ri i Ministrisë së Punëve të Brendshme

Prishtinë, 6 maj - Sot, u inaugurua solemnisht objekti i ri i Ministrisë së Punëve të Brendshme e Qeverisë së Republikës së Kosovës. Në inaugurimin solemn, morën pjesë kryeministri i Republikës së Kosovës, Hashim Thaçi, komisioneri Evropian për Zgjerim, Shtefan Fule, drejtori i Drejtorisë së Zgjerimit në Komisionin Evropian, Pier Mirel, shefi i Zyrës Ndërlidhëse të Komisionit Evropian në Prishtinë, Renzo Daviddi, ministri i Punëve të Brendshme, Bajram Rexhepi, ministri për Integrime Evropiane, Besim Beqaj dhe përfaqësues të tjerë të lartë vendorë e ndërkombëtarë.

Pas ceremonisë së inaugurimit të kryeministrit Thaçi dhe komisionerit të Evropian për Zgjerim, Shtefan Fule, në sallën e konferencave fjalën e mori kryeministri i Republikës së Kosovës, Hashim Thaçi, i cili tha se “kam kënaqësinë që bashkë me zotin Fule të marr pjesë në inaugurimin e ndërtesës së re të Minisrtrisë së Punëve të Brendshme të Republikës së Kosovës. Sot, kjo ndërtesë simbolizon rend, ligj, dhe siguri për të gjithë qytetarët e Kosovës. Në vendin ku është ndërtuar ky objekt i ri i standardeve të reja dhe perëndimore, në të kaluarën ka përfaqësuar shtypjen dhe diskriminimin. Kjo ndërtesë e ndërtuar bashkërisht midis Qeverisë së Kosovës dhe asistencës gjeneroze të Bashkimit Evropian, do të ketë kushte më të mira për sundimin e ligjit dhe zbatimit të tij, tha ndër të tjera kryeministri i Republikës së Kosovës, Hashim Thaçi.

Në vazhdim, komisioneri Evropian për Zgjerim, Shtefan Fule, tha se “jam i gëzuar që sot jam këtu në inaugurimin e ndërtesës së Ministrisë së Punëve të Brendshme. Sundimi i ligjit është kusht kryesor për presporitet dhe stabilitet, si dhe është fundamentale për integrimin në Bashkimin Evropian. Është esenciale edhe për anëtarësim, si dhe kusht për mirëqenien e Kosovës dhe qytetarëve të saj. Kjo ndërtesë është dëshmi e mbështetjes së vazhdueshme të Bashkimit Evropian në Kosovë. Infrastruktura e përmirësuar, do të thotë një mjedis më të mirë për punë, duke i bashkuar mbi 200 punonjës nën një kulm. Dëshirojmë që të forcojmë edhe përgatitjen në implementimin e reformave të domosdoshme, për kryerjen e detyrave që janë dhënë, në veçanti me EULEX-in. Ju dëshirojmë çdo sukses në punën tuaj”, tha ndër të tjera komisioneri Evropian për Zgjerim, Shtefan Fule.

Në vazhdim, pasi i përshëndeti të pranishmit,  ministri i Punëve të Brendshme, z. Bajram Rexhepi tha se “kam nderin dhe kënaqësinë që po e përurojmë një objekt të përbashkët për sektorin e sundimit të ligjit, që padyshim është e një rëndësie të veçantë. Kushtet e punës, përkatësisht hapësirat për punë, padyshim se do të ndikojnë edhe në përmirësimin e performancës dhe rritjes së punës, sidomos tani ku prioritet kyç do të jetë plotësimi i kritereve teknike në procesin e liberalizimit të vizave në Bashkimin Evropian. Ky projekt dëshmon se kemi ndërtuar një partneritet të fuqishëm me Komisionin Evropian në implementimin e agjendës evropiane për Kosovën, prandaj me të drejtë presim vazhdimin e mbështetjes së asistencës teknike të Komisionit Evropian për ndërmarrjen e reformave gjithëpërfshirëse në sektorin e sundimit të ligjit. Ministria e Punëve të Brendshme ka rolin më të madh të detyrave që dalin nga plani i veprimit për partneritet evropian dhe nga plani i veprimit për implementimin e udhërrëfyesit për liberalizimin e vizave me BE-në”, tha ndër të tjera ministri i Punëve të Brendshme, z. Bajram Rexhepi.

Në fund të ceremonisë, Ministria e Punëve të Brendshme shtroi edhe një koktej për mysafirët.

Kalendari

Ngjarjet e datës 28 Nëntor 2021

- Për nder të Ditës së Flamurit, Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule te varrezat e dëshmorëve në Kompleksin Memorial "Adem Jashari". (Prekaz, ora 9:00)

- Komuna e Skenderajt bën nderime tek shtatorja e Komandantit Legjendar Adem Jashari. (Skenderaj, ora 9:00)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës organizon ngritjen e flamurit kombëtar te Kompleksi memorial në Gradish. (Gradish, ora 9:00 - Kompleksi përkujtimor “Maja e Shkodranit”, ora 9:40 - Kulla e Heronjve në Opterushë, ora 10:20)

- Me rastin e Festave të Nëntorit, një grup i të rinjve dhe ish-pjesëtarë të Ushtrisë Çlirimtare të Kosovës do të vendosin një Flamur me imazhet e udhëheqësve të luftës së UCK-së të cilët po mbahen në Hagë. (Rruga "Fehmi Lladrovci", tek rrethi afër hyrjes kryesore të QKUK-së, ora 9:00)

- Komuna e Skenderajt homazhe tek Kompleksi Memorali Adem Jashari. (Prekaz, ora 9:15)

- Me rastin e Festave të Nëntorit Komuna e Skenderajt organiyon maratonën Vrapimi i Nëntorit. (Kompleksi Memorial Adem Jashari në Prekaz, ora 9:30)

- Për nder të Ditës së Flamurit, Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule të Shtatorja e Ismail Qemalit. (Prishtinë, ora 10:00)

- Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule të shtatorja e Zahir Pajazitit. (Prishtinë, ora 10:20)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës bën homazhe  te varrezat e Dëshmorëve. (Rahovec, ora 10:40)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës organizojnë programin festiv për nder të 28 Nëntorit. (Shkolla e muzikës “Vihuela” në Rahovec, ora 11:00)

- Komuna e Gjilanit organizon homazhe te varrezat e dëshmorëve. (Kompleksi i varrezave të dëshmorëve në Gjilan, ora 11:00)

- Komuna e Gjilanit organizon inagurimin e projektit të galerisë së qytetit. (Gjilan, ora 11:30)

- Partia Socialdemokrate do të mbaj aktivitet pranë Teatrit Kombëtar. (Sheshi "Skënderbeu", ora 13:00)

- Komuna e Gjilanit organizon inagurimin e projektit të tregut dhe parkut në Zheger. (Fshati Zhegër, ora 13:00)

- Nën patronatin e kryetarit të komunës z. Smajl Latifi në bashkëpunim me shoqatat e dala nga lufta e UÇK-së organizon turnir në futboll të vogël. (Palestra Sportive “Mizahir Isma”në Rahovec, ora 12:00)

- Komuna e Skenderajt organizon natën finalen e festivalit tradicional Rapsodia Shqiptare. (Qendra e Kulturës Hasan Prishtina, ora 16:00)

- Komuna e Gjilanit organizon koncert festiv nga ansambli i këngëve dhe valleve për nder të Ditës së Flamurit . (Teatri i qytetit të Gjilanit, ora 17:00)