09 Dhjetor 2021

Thaçit iu dorëzua ekzemplari i monografisë për krimet e luftës

Prishtinë, 28 maj - Kryeministri i Republikës së Kosovës, Hashim Thaçi ka pritur një delegacion të Këshillit për Mbrojtjen e të Drejtave dhe Lirive të Njeriut, të prirë nga kryetari i këtij këshilli, Pajazit Nushi. Me këtë rast, kryeministrit Thaçi iu dorëzua një ekzemplar i Monografisë për krimet e luftës në Kosovë (1998-1999), që është botuar nga KMDLNJ, me mbështetjen e Qeverisë së Republikës së Kosovës

Duke vlerësuar lartë vepritmtarinë e Këshillit për Mbrojtjen e të Drejtave dhe Lirive të Njeriut, në kohërat më të vështira për Kosovën dhe qytetarët e saj dhe tani në këto vite të shtetësisë, kryeministri Hashim Thaçi theksoi se botimi i kësaj monografie është edhe një dëshmi për luftën, për sakrificën e popullit të Kosovës, dhe për gjenocidin, që është ushtruar nga regjimi i Serbisë mbi qytetarët e Kosovës.

Kryeministri Thaçi po ashtu inkurajoi udhëheqësit e KMDLNJ-së që të vazhdojnë përkushtimet e tyre për ndriçimin e plotë të së vërtetës për krimet e bëra në Kosovë gjatë periudhës së luftës, si dhe ofroi vazhdimin e mbështetjes institucionale në këtë drejtim.

Nga ana e tij, kryetari i Këshillit për Mbrojtjen e të Drejtave dhe Lirive të Njeriut, Pajazit Nushi, falënderoi dhe shprehu mirënjohjen për mbështetjen që kryeministri Thaçi dhe qeveria i kanë dhënë punës së KMDLNJ-së në zbardhjen e të vërtetës për krimet e luftës në Kosovë dhe në veçanti botimit të Monografisë.

Nushi theksoi se angazhimet e KMDLNJ-së do të thellohen edhe më tej, gjithnjë në funksion të drejtësisë, të vërtetës dhe perspektivës evropiane të popullit të Kosovës.

 

Kalendari

Ngjarjet e datës 9 dhjetor 2021

- Shoqata e Bankave të Kosovës organizon hapjen e “Konventës Vjetore bankare të SHBK-së 2021”. (Swiss Diamond, ora 9:30)

- Lëvizja FOL organizon konferencë për media me ç’rast do të bëjë publikimin e gjetjeve nga hulumtimi “Perceptimet e sektorit privat rreth prokurimit publik”. (Zyrat e Lëvizjes FOL, ora 10:00)

- Universiteti i Prishtinës “Hasan Prishtina” dhe Kolegji IBC-M organizojnë tryezën e diskutimit për prezantimin e Raportit të Vlerësimit të Kartelës Matëse të Autonomisë Universitare. (Amfiteatri i Bibliotekës Qendrore Universitare, kampusi i UP-së, ora 10:00)

- Mbahet seanca e 2-të e rregullt të Kuvendit të Komunës së Mitrovicës në të cilën do të zgjedhet kryesuesi i Kuvendit të Komunës. (Salla e Kuvendit të Komunës, ora 10:00)

- Kryetari i Gjilanit, Lutfi Haziri i dorëzon detyrën kryetarit të ri, Alban Hyseni. (Zyra e Kryetarit, ora 11:00)

- Rrjeti Mesdhetar i Grave Ndërmjetësuese së bashku me OJQ-në She Solutions mban konferencën "Gratë në sektorin e sigurisë: ndërmjet sfidave dhe mundësive". (Zyra e BE për informim, ora 11:00)

- Instituti Demokratik i Kosovës / Transparency International Kosova organizojnë ekspozitën për fotografinë më të mirë kundër-korrupsion 2021, ku do të shpallen tre fituesit e kësaj gare. (Parku Arkeologjik ‘Lapidariumi’ përballë Muzeut Kombëtar të Kosovës, ora 11:00)

- OJQ AKTIV bën prezantimin e aplikacionit Aber online për celularë Android dhe iOS. (Hotel Ulpiana në Graçanicë, ora 11:00)

- Instituti D4D organizon tryezën diskutuese me temën “Fushata zgjedhore në llupë: A e kërcënojnë integritetin zgjedhor çrregullimet e informacionit?”. (Hotel Prishtina, ora 14:00)