30 Janar 2023

Thaçi: Kontrabandistët dhe kriminelët i kanë ditët e numëruara

Mitrovicë, 14 gusht - Kryeministri i Qeverisë së Republikës së Kosovës, Hashim Thaçi, sot i ka bërë një vizite Lagjes “Kroi i Vitakut” në veri të Mitrovicës, dhe me këtë rast ka inspektuar rindërtimin e shtëpive të shqiptarëve, të djegura gjatë kohës së luftës.

Në këtë vizite në veri të Mitrovicës ishte i shoqëruar nga  ministri i Punëve të Brendshme Bajram Rexhepi, ministri i Pushtetit Lokal Sadri Ferati, zëvendësministri i  Ekonomisë dhe Financave Bedri Hamza dhe kryetari i Mitrovicës Avni Kastrati.

Kryeministri Thaçi ka thënë se ka ardhur në veri për të përmbushur zotimin e Qeverisë së Kosovës për implementimin e projekteve të rëndësishme që kanë të bëjnë me rikthimin e njerëzve në shtëpitë dhe pronat e tyre.

“Me këtë vizitë ne edhe njëherë tregojmë zotimin tonë për implementimin e projekteve të rëndësishme për rikthimin e njerëzve në shtëpitë dhe pronat e tyre. Është jashtëzakonisht inkurajues ky progres që po arrihet që hap pas hapit  të ndërtohen shtëpia të reja, të kthehen njerëz në pronat e tyre. Do të vazhdohet me investime shtesë në të gjithë territor të Republikës së Kosovës”, theksoi kryeministri Thaçi, duke shtuar se me udhëheqjen komunale ka diskutuar për investime shtesë për rikthimin e familjeve tjera në dyqind shtëpi që duhen të rindërtohen e që është një projekt që do të kushtoi 5 milionë euro.

Kryeministri i Republikës së Kosovës, Hashim Thaçi premtoi se në mbledhjen e radhës të Qeverisë së Republikës së Kosovës do të diskutojmë për hapet e ardhshëm në implementimin e këtij projekti për rindërtimin dhe ndërtimin e 200 shtëpive tjera në këtë pjesë të qytetin prej nga janë larguar qytetarët më herët.

“Tani do të investojmë në një proces për integrimin e qytetit por në të njëjtën kohë edhe për integrimin dhe bashkëpunimin e gjithë qytetarëve për një jetë të re, për një Mitrovicë të re, Mitrovicë të bashkuar, unike dhe të vazhdojmë më tutje në kuptimin e implementimit të plotë të dokumentit të presidentit Ahtisari, të strategjisë për integrim , për sundimin e ligjit, e gjithashtu edhe të organizimit të zgjedhjeve të lira në tri komuna tjera dhe angazhimet tona investuese të cilat  do ta mbulojnë tërë territorin e Republikës së Kosovës”, tha kryeministri Thaçi.

Ministri i Punëve të Brendshme Bajram Rexhepi, ka siguruar banorët e Lagjes  Kroi i Vitakut dhe të gjithë veriut të Mitrovicës se institucionet vendore të mbështetura nga ato ndërkombëtare do të garantojnë siguri të plot për ata dhe pronat e tyre.

Kryetari i Komunës së Mitrovicës Avni Kastrati ka falënderuar kryeministrin Thaçi dhe Qeverinë e Kosovës për përkrahjen dhe mbështetjen financiare që kanë dhënë për ndërtimin e shtëpive dhe të rindërtimit të infrastrukturës së nevojshme për banorët e veriut të Mitrovicës. 

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)