05 Dhjetor 2022

Të zbardhen krimet e luftërave në ish Jugosllavi

Prishtinë, 4 korrik - Formimi i një komisioni të përbashkët nga shtetet e dala nga Ish Jugosllavia për të zbardhur krimet e luftës, rrethanat mbi vrasjet si dhe zbardhjen e fatit të të zhdukurve në periudhën e viteve 1991 - 2001. Ky është synimi i 900 organiztave joqeveritare të vendeve të ish jugosllavisë. 

Nga Fondi për të drejtën Humanitare në Prishtinë thonë se nuk do të anashkalohen as zbulimi I varrezave të mundshme masive edhe në Maqedoni ku dyshohet se mund të jenë varrosur trupa të shqiptarëve të Kosovës të vrarë gjatë luftës së vitit 1999.

‘Komisioni do të fokusohet në punën e evidentimit të personit të cilët ende janë të zhdukur, dmth të bëjmë listë të saktë, edhe të varrezave masive, ato që janë të vrarë dhe janë gjetur nga familjarët dhe janë varosur. Fokusi I komisionit duhet të jenë viktimat.’, thotë Bekim Blakaj, Fondi për të drejtën humanitare Prishtinë.

Me të gjitha këto prova të reja që mund të dalin nga puna e komisionit do të informohet opinioni I gjërë ndërsa faktet do tu jepen edhe gjykatave për hetime të mëtejeshme.

‘E tërë puna e komisionit do të sjellë fakte që do t’u shërbejnë historianëve, politikanëve dhe cdokujt për analizë të ngjarjeve por do t’i shërbejë edhe gjyqësorit që do të ketë informacionetë cilat nuk I kanë pasur gjatë hetimeve’, thotë Llazar Stojanoviç, Fondi për të drejtën humanitare Beograd.

Organizatat joqeveritare sot u mblodhën në Shkup për të bashkërenduar idenë e funksionimit të komisionit I cili duhet të ketë njerëz të pavarur, si dhe profesionistë. Ky trup pritet të fillojë punën në mes të vitit të ardhshëm. 

Në Bosnjë e Hercegovinë Organizatat Joqeveritare kanë arritur të evidentojnë 100 mijë të vrarë dhe të zhdukur. Në Kosovë deri më tani janë evidentuar mbi 13 mijë viktima.

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)