28 Nëntor 2021

Strukturat e rëndit menaxhuan mirë situaten në veri

Mitrovicë, 21 qershor - Përfaqësuesit e strukturave politike dhe të sigurisë vlerësuan të hënën në takimin e rregullt të Komitetit për Siguri se situata e sigurisë gjatë dy javëve të fundit ka qenë më e tensionuar për shkak të incidenteve që kanë ndodhur në veri të qytetit.

Megjithatë u lavdëruan strukturat e rendit që kanë menaxhuar mirë situatën e krijuar duke mos lejuar eskalimin e saj.

Kryetari i komunës, Avni Kastrati, përgëzoi popullatën për maturinë përkundër provokimeve dhe incidenteve që kanë ndodhur në Kodrën e Minatorëve ku janë lënduar pesë të rinj shqiptarë.

Poashtu ai vlerësoi punën e mirë të Policisë së Kosovës, EULEX-it dhe KFOR-it për masat që kanë marrë për menaxhimin e situatës së krijuar.

Ndërsa, nënkryetari i komunës, Riza Haziri, tha se është me rëndësi që incidentet, sikur ai në Kodrën e Minatorëve, ku janë lënduar pesë të rinj shqiptarë, si ai në zonën e “Tre rrokaqiejve” ku janë lënduar tre të rinj serbë janë dënuar nga të gjithë që nuk ka qenë praktikë e mëhershme.

Në këtë kontekst, ai përmendi përfaqësuesin e serbëve të Kodrës së Minatorëve, i cili publikisht e ka dënuar sulmin ndaj të rinjve shqiptarë që ka ndodhur në atë mjedis.

Në anën tjetër, drejtori për Mbrojtje dhe Shpëtim, Behxhet Bala, përveç këtyre incidenteve ka përmendur edhe një hedhje shishe në drejtim të minibusit që transporton banorët e fshatrave shqiptare të Leposaviqit. “Brenda pak ditësh kanë ndodhur dy sulme ndaj këtij minibusi. Autoritetet e rendit duhet të marrin masa që të identifikojnë dhe arrestojnë sulmuesit”.

Në këtë takim të Komitetit të Sigurisë u përmend edhe protesta e banorëve të lagjes Bair për shkak të problemeve me furnizim me ujë të pijshëm, mandej për masat që janë ndërmarrë në këtë drejtim.

Poashtu u bisedua edhe për planet operative të policisë në lidhje me menaxhimin e situatës për 28 qershor, kur pritet që qytetarë të shumtë serbë të marshojnë për në Gazimestan për Festën e Vidovdanit.

Kalendari

Ngjarjet e datës 28 Nëntor 2021

- Për nder të Ditës së Flamurit, Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule te varrezat e dëshmorëve në Kompleksin Memorial "Adem Jashari". (Prekaz, ora 9:00)

- Komuna e Skenderajt bën nderime tek shtatorja e Komandantit Legjendar Adem Jashari. (Skenderaj, ora 9:00)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës organizon ngritjen e flamurit kombëtar te Kompleksi memorial në Gradish. (Gradish, ora 9:00 - Kompleksi përkujtimor “Maja e Shkodranit”, ora 9:40 - Kulla e Heronjve në Opterushë, ora 10:20)

- Me rastin e Festave të Nëntorit, një grup i të rinjve dhe ish-pjesëtarë të Ushtrisë Çlirimtare të Kosovës do të vendosin një Flamur me imazhet e udhëheqësve të luftës së UCK-së të cilët po mbahen në Hagë. (Rruga "Fehmi Lladrovci", tek rrethi afër hyrjes kryesore të QKUK-së, ora 9:00)

- Komuna e Skenderajt homazhe tek Kompleksi Memorali Adem Jashari. (Prekaz, ora 9:15)

- Me rastin e Festave të Nëntorit Komuna e Skenderajt organiyon maratonën Vrapimi i Nëntorit. (Kompleksi Memorial Adem Jashari në Prekaz, ora 9:30)

- Për nder të Ditës së Flamurit, Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule të Shtatorja e Ismail Qemalit. (Prishtinë, ora 10:00)

- Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule të shtatorja e Zahir Pajazitit. (Prishtinë, ora 10:20)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës bën homazhe  te varrezat e Dëshmorëve. (Rahovec, ora 10:40)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës organizojnë programin festiv për nder të 28 Nëntorit. (Shkolla e muzikës “Vihuela” në Rahovec, ora 11:00)

- Komuna e Gjilanit organizon homazhe te varrezat e dëshmorëve. (Kompleksi i varrezave të dëshmorëve në Gjilan, ora 11:00)

- Komuna e Gjilanit organizon inagurimin e projektit të galerisë së qytetit. (Gjilan, ora 11:30)

- Partia Socialdemokrate do të mbaj aktivitet pranë Teatrit Kombëtar. (Sheshi "Skënderbeu", ora 13:00)

- Komuna e Gjilanit organizon inagurimin e projektit të tregut dhe parkut në Zheger. (Fshati Zhegër, ora 13:00)

- Nën patronatin e kryetarit të komunës z. Smajl Latifi në bashkëpunim me shoqatat e dala nga lufta e UÇK-së organizon turnir në futboll të vogël. (Palestra Sportive “Mizahir Isma”në Rahovec, ora 12:00)

- Komuna e Skenderajt organizon natën finalen e festivalit tradicional Rapsodia Shqiptare. (Qendra e Kulturës Hasan Prishtina, ora 16:00)

- Komuna e Gjilanit organizon koncert festiv nga ansambli i këngëve dhe valleve për nder të Ditës së Flamurit . (Teatri i qytetit të Gjilanit, ora 17:00)