18 Gusht 2022

Sllovenia partner i rëndësishëm i Kosovës në fushën e mbrojtjes dhe sigurisë

Prishtinë, 22 dhjetor - Ministri i Mbrojtjes Armend Mehaj sot ka pritur në takim homologun e tij, ministrin e Mbrojtjes së Sllovenisë, Matej Tonin.

Me këtë rast, ai ka falënderuar dhe shprehur mirënjohjen e lartë për kontributin e Republikës së Sllovenisë në shtet-ndërtimin e vendit tonë si dhe shërbimin e vazhdueshëm të forcave sllovene në kuadër të KFOR-it.

Ministria e Mbrojtjes së Sllovenisë ka mbështetur në vazhdimësi edhe ngritjen dhe zhvillimin e Ministrisë sonë dhe FSK-së përmes këshilltarëve në kuadër të NALT-it dhe bashkëpunimit tonë bilateral.

Krahas diskutimeve për sfidat në mjedisin aktual të sigurisë në rajon dhe më gjerë, dy ministrat, Mehaj dhe Tonin u dakorduan që bashkëpunimi bilateral në mes të dy ministrive të thellohet edhe më tej në të ardhmen në fushat e interesit të përbashkët.

Ministri Tonin u zotua se Sllovenia si vend anëtar i NATO-s do të mbështetë vendin tonë edhe në proceset integruese euroatlantike.

Kalendari

Ngjarjet e datës 18 gusht 2022

 - Mbahet seanca në rastin e falsifikimit të tenderit 800 mijë euro për rinovimin e objektit të PSRK-së ndaj të akuzuarit Tahir Sopa, përfaqësues i firmave “NBT ING SHPK” dhe “NPN Bajramaj”. (Pallati i Drejtësisë, ora 9:30)

- Komuna e Rahovecit mbant dëgjimi publik për buxhetin e vitit 2023 më bashkësit lokale, lagjet urbane dhe përfaqesues të shkollave. (Shtëpia e Kulturës 'Mensur Zyberaj' në Rahovec, ora 10:00)

- Bashkimi i Sindikatave të Pavarura të Kosovës mban konferencë për media e cila ndërlidhet me shpalljen e grevës së përgjithshme. (Zyrat e BSPK-së, ora 13:00)

- Fondacioni Shtatëmbëdhjetë organizon hapjen e programit Rezidenca 17. (Shtëpia e Hivzi Sulejmanit në lagjen Taslixhe, ora 18:00)