09 Dhjetor 2021

Rüdiger Wolf ka vizituar KFOR-in

Prishtinë, 23 qershor - Sekretari Shtetëror në Ministrinë Federale Gjermane të Mbrojtjës, z. Rüdiger Wolf, ka vizituar KFOR-in për tu informuar nga afër për përmirësimet e situates së  sigurisë dhe të ketë një pasqyrë të përgjithshme të angazhimit të trupave Gjermane në Kosovë.

Pas takimit me Komandantin e KFOR-it, Gjeneral Lejtnant Markus Bentler, z. Wolf pati disa takime me të gjithë faktorët civil prezent ndërkombëtarë në Kosovë, siç janë, Shefi i misionit të EULEX-it Yves de Kermabon, Shefi i misionit të OSBE-së Ambasdori Werner Almhofer, Përfaqësuesi Ndërkombëtar Civil Peter Feith dhe Ambasadori Gjerman Hans-Dieter Steinbach.

Me 24 qershor, ai do të shfrytëzojë rastin që para takimeve me Komandatin e “Battle Group” Jug, Gjeneral Brigadierin Manfred Hofmeyer dhe ushtarët e Bundeswehr-it, të vizitojë Prizrenin dhe Manastirin e Shën Arhangjelit. Aktualisht Gjermania ka 1500 ushtarë në tërë Kosovën, kryesisht në jug.

Z. Rüdiger Wolf e ndihmon Ministrin e Mbrojtjes së Gjermanisë gjatë kryerjes së kontrollit teknik të Ministrisë dhe ekzekuton autoritet komandues në kohë paqeje.  

Kalendari

Ngjarjet e datës 9 dhjetor 2021

- Shoqata e Bankave të Kosovës organizon hapjen e “Konventës Vjetore bankare të SHBK-së 2021”. (Swiss Diamond, ora 9:30)

- Lëvizja FOL organizon konferencë për media me ç’rast do të bëjë publikimin e gjetjeve nga hulumtimi “Perceptimet e sektorit privat rreth prokurimit publik”. (Zyrat e Lëvizjes FOL, ora 10:00)

- Universiteti i Prishtinës “Hasan Prishtina” dhe Kolegji IBC-M organizojnë tryezën e diskutimit për prezantimin e Raportit të Vlerësimit të Kartelës Matëse të Autonomisë Universitare. (Amfiteatri i Bibliotekës Qendrore Universitare, kampusi i UP-së, ora 10:00)

- Mbahet seanca e 2-të e rregullt të Kuvendit të Komunës së Mitrovicës në të cilën do të zgjedhet kryesuesi i Kuvendit të Komunës. (Salla e Kuvendit të Komunës, ora 10:00)

- Kryetari i Gjilanit, Lutfi Haziri i dorëzon detyrën kryetarit të ri, Alban Hyseni. (Zyra e Kryetarit, ora 11:00)

- Rrjeti Mesdhetar i Grave Ndërmjetësuese së bashku me OJQ-në She Solutions mban konferencën "Gratë në sektorin e sigurisë: ndërmjet sfidave dhe mundësive". (Zyra e BE për informim, ora 11:00)

- Instituti Demokratik i Kosovës / Transparency International Kosova organizojnë ekspozitën për fotografinë më të mirë kundër-korrupsion 2021, ku do të shpallen tre fituesit e kësaj gare. (Parku Arkeologjik ‘Lapidariumi’ përballë Muzeut Kombëtar të Kosovës, ora 11:00)

- OJQ AKTIV bën prezantimin e aplikacionit Aber online për celularë Android dhe iOS. (Hotel Ulpiana në Graçanicë, ora 11:00)

- Ministri i Mjedisit, Planifikimit Hapësinor dhe Infrastrukturës, Liburn Aliu mban konferencë për media. (Ndërtesa e Qeverisë, 11:30)

- Instituti D4D organizon tryezën diskutuese me temën “Fushata zgjedhore në llupë: A e kërcënojnë integritetin zgjedhor çrregullimet e informacionit?”. (Hotel Prishtina, ora 14:00)