06 Dhjetor 2022

Rexhepi: Gjendja e sigurisë në Mitrvoicë stabile

Prishtinë, 26 korrik - Kryetari i komunës së Mitrovicës, Avni Kastrati, ka pritur të hënën në takim ministrin e Punëve të Brendshme të Republikës së Kosovës, Bajram Rexhepin, me të cilin bisedoi për situatën në Mitrovicë dhe nevojën për vendosjen sa më shpejtë të rendit dhe ligjit edhe në veri.

U vlerësuan pozitivisht hapat që janë ndërmarrë në këtë drejtim dhe u shpreh vendosmëria për që kjo të vazhdoj në mënyrë që të gjithë qytetarët pa dallim etnik të kenë kushte për jetë të qetë.

Në këtë takim, u bisedua edhe për ndarjen e një hapësire për ndërtimin e stacionit rajonal të policisë në Mitrovicë.

Kryetari Kastrati, tha se tashmë propozimi ka kaluar Komitetin për Politikë dhe Financa dhe pritet që kjo të merr përkrahjen edhe nga anëtarët e Kuvendit të Komunës.

Ai tha se komuna në kuadër të mundësive do të ndihmoj që policia të ketë kushte sa më të mira për punë.

Në anën tjetër, ministri Rexhepi e ka falënderuar kryetarin Kastrati për angazhimin në krijimin e kushteve normale për punë të pjesëtarëve të policisë në këtë komunë, ku ka pasur probleme me objekte për shkak të rrethanave të pasluftës.

Po ashtu, në këtë takim u diskutua edhe për çështjen e bashkëpunimit me policinë, ku pritet që së shpejti Kuvendi Komunal i Mitrovicës të ndajë parcelën për ndërtimin e objektit për Stacionin Regjional të Policisë.

Pas këtij takimi, ministri Rexhepi vizitoi edhe  Drejtorinë Regjionale të PK-së në Mitrovicë ku u njoftua për sfidat me të cilat ballafaqohen punonjësit gjatë punës së tyre të përditshme.

Në takimin me udhëheqësit e kësaj Drejtorie u vërtetua se luftimi kundër kontrabandës në këtë rajon është duke u kryer me sukses.

Lidhur me këtë, ministri Rexhepi paralajmëroi edhe fillimin e një hetimi brenda PK-së për identifikimin e zyrtarëve policorë që mund të kenë bashkëpunim me kontrabandistët.

Në fund të kësaj vizite, delegacioni i MPB-së vizitoi edhe lagjen e romëve për tu njoftuar me kushtet dhe jetesën e këtyre banorëve.

Sa i përket lokacionit për ndërtimin e  stacionit jugor të policisë, ministri Rexhepi, tha se janë duke pritur vendimin e gjykatës, pasi që hapësira e ndarë nga KK-ja më herët është në kontest pronësor.    

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)